Kathakagrihyasutra 59.4
Kāṭhakagṛhyasūtrabhāṣya 59.4
- Language
- Sanskrit
59.4
uṣā rātriḥ vigatā uṣā yatra sa vyuṣaḥ| sa prabhātakālaḥ| tasya samīpamupavyuṣamādityodayakālaṃ yāvat taṃ prakṛtamekāgniṃ jvālayet sandī nayet| yāvadvyuṣā rātristāvat agniṃ prajvālayediti bhāvaḥ|
udakamiśramāṣacūrṇasampāditena manthena audumbarakaṃsapātranikṣiptena tamagniṃ śamayet| virāṭpaṃktyau| brahmaṇa ārṣam| ṛgarthastu - havāmahe juhumaḥ devān hvayāmo vā| kān| savitāraṃ hiraṇyapāṇiṃ tathā vāyum, indraṃ, prajāpatim, aṅgirasaśca| kimartham| kravyādaṃ śamayantvagnim|
Linked texts (1)
- Kāṭhakagṛhyasūtra — Laugākṣi, Sanskrit