Kathakagrihyasutra 60.10

Kāṭhakagṛhyasūtrabhāṣya 60.10

Language: Sanskrit

60.10

tato bhasmakaṭasīsapradeśāt pratīpamāyāntaḥ pratyāvartamānāḥ padāni lobhayante sarve pādapratibimbāni nāśayanti lopayantyutpuṃsayanti| kaiḥ| naḍairdīrghairbahubhiḥ, vetasaśākhayā vā drāghīyasyā saparṇayā| sāmarthyāccātra sīsabhasmasāṃmukhyena pratyāvartamānāḥ saptāṣṭau vā padānīti gamyate| 'mṛtyoḥ padaṃ' ityādirmantrapratīkaḥ|
yatprasādānmṛtyoḥ padaṃ lobhayanto lopayantaḥ īmo gacchāmaḥ, atiśayena dīrghamāyuṣaḥ prataraṃ vistāraṃ dadhānāḥ kurvanta ityarthaḥ| tasmāt he ṛtvikprabhṛtayaḥ śuddhāḥ pūtā bhavata, tathā yajñiyāso yajñārhāśca bhavata| kiṃ kurvāṇāḥ| prajayā dhanena cāpyāyamānāḥ vardhamānāḥ||

Previous: 60.9
Next: 60.11
Up: 60

Linked texts (1)

Kāṭhakagṛhyasūtra — Laugākṣi, Sanskrit