Kathakagrihyasutra 63.3
Kāṭhakagṛhyasūtrabhāṣya 63.3
- Language
- Sanskrit
63.3
jāte jāte vidyate jātavedāḥ paramātmāntaryāmī vaiśvānararūpaḥ, tasya sambodhanaṃ he jātavedaḥ yāvanto devā dyotamānāścakṣurādayastvayi sthitāḥ sapta tiryañcastiraśrīnāñcanāḥ viṣayān prati kuṭilagatayaḥ, ata eva puruṣasya parāparapuruṣārthaphalaṃ karma ghnanti nāśayanti kartumeva na dadati, kṛtamapi vā pratibadhnanti tīvrapāpavartanāt, tebhyastadadhiṣṭhātṛdevatābhyo raviprabhṛtibhya etadbhāgadheyaṃ juhomi| te cānena tṛptāḥ prītāḥ santo mama kāmaṃ kāmyamānaṃ parāparapuruṣārthaṃ tarpayantu sāhāyyamānukūlyaṃ tatrācarantu|