Kathakagrihyasutra 85.5

85.5

prathamā ādyā sargādibhirvā uṣā vyuvāsa vyuṣṭā| prācīnā sā dhenurabhavat bhūtā yame saṃyate prajāpatau| etaddhenusambandhādeva pañcanāmnī gauḥ pūrvamantrasthitā| sā dhenurūpeṇa vivṛttā pariṇatā vā satī uttarāmuttarāṃ samāṃ tulyāṃ dhenuṃ duhāṃ dogdhu pūrayatu, yajñopayoginīṃ dhenuparamparāmasmākaṃ sampādayatvityarthaḥ|
he devāḥ karmaṇi dyotamānāḥ grāvaprabhṛtayaḥ dṛṣadupalolūkhalamusalāḥ yūyaṃ ghoṣamakṛta śabdaṃ kṛtavantaḥ| kiṃ kurvantaḥ| parivatsarīyaṃ haviṣkṛṇvantaḥ, parivatsaraḥ saṃvatsaraḥ tatra bhavaṃ parivatsarīyaṃ somarasataṇḍulapiṣṭādikam| he ekāṣṭake vayaṃ jyok cirakālaṃ jīvema tvatprasādāt| kīdṛśāḥ| te tubhyaṃ balihṛto haviṣo dātāraḥ, suprajasaḥ śobhanaprajāyuktāḥ, suvīrāḥ suputrāḥ| punarvacanamatiśayārtham|