Khadiragrihyasutra 2.2.22-2

Khādiragṛhyasūtravṛtti 2.2.22-2

Language: Sanskrit

2.2.22-2

’tapaśaca tejaśca’ityārabhya ’brahmaṇaḥ putrāya namaḥ’ityevamantrasya prapadaśabdo vācakaḥ| japitveti japannityarthaḥ, ’virūpākṣo'si’ityasya prapadamadhyapātitvāt paurvāparyānupapatteḥ| kalyāṇaśabdo'pavargavācakaḥ| nirucchāso bhūtvā prapadaṃ japan ’bhūrbhuvassvarom’ityoṅkāre paramātmajñānaṃ me bhūyāditi dhyāyan yathāsāmarthyamoṅkāraṃ plāvayitvā ’virūpākṣo'si dantāñjiḥ’ityucchavasedityarthaḥ| nityeṣvevam ||

Previous: 2.2.22
Next: 2.2.23
Up: 2.2

Linked texts (1)

Khādiragṛhyasūtra — Khādira, Sanskrit