Khadiragrihyasutra 7.2.27

7.2.27

sarvagarbhārtho'yaṃ saṃskāraḥ ādhārasaṃskāradvāreṇa sakṛdeva kriyate | bhāryāntare tu kartavyameva prathamagarbhe | darśādūrdhvamā darśādeko māsaḥ | yatra kvaca dine'pyāhite garbhe sa eko māso gaṇayitavyaḥ | saṃjñā vyavāhārārthā| kṛtsnāgrāveva | māsīti māsa(māse atikrānte. iti gra.kośe.) ityarthaḥ | atra kocit atikrānte'pi mukhyakole prasavāt prākkālādikramaprāyaścittaṃ kṛtvā kartavyamevetyāhuḥ, upanayane darśanāt, tena ca smṛtiṣu tulyavadgaṇanāt, kāsucitsmṛtiṣu kālānirdeśena vidhānādāpatkalpatayā'bhyanujñānaṃ sarvadā saṃskārāṇāmastyevetyāhuḥ | jananādūrdhvaṃ tu dvārābhāvāt prāyaścittenaiva jātaṃ saṃskuryādekadeśe'gnau | garbhāntarārthaṃ tu dvitīye garbhe kuryādeva | apare tu kālātyaye adhikārābhāvāt prāyaścittamevāhuḥ | pūrva eva tu pakṣaḥ śreyān | ’athāpi lopasaṃśayo lopādalopo nyāyataraḥ’iti nidānakāro'pyāha ||