Mekhala 9.1

9.1

jīva
tvaṃ śaradaḥ śatam || kalaśapṛcchāṃ sampādya | gāyatryai namaḥ 3
adya tāvat mahāgaṇāpateḥ | agneḥ puṣṭipateḥ prajāpateḥ 1 aryamṇaḥ gandharvasya tryambakasya vivāhodvāhadevatānāṃ 2 agneḥ
vāyoḥ sūryasya candramasaḥ viṣṇoḥ prāyaścittayāgadevatānāṃ 3 meṣādīnāṃ dvādaśarāśīnāṃ aśvinyādīnāṃ saptaviṃśatinakṣatrāṇāṃ vāsudevasya0 indrādīnāṃ daśadikpālānāṃ0
ātmodvāhanimittaṃ kanyodvāhanimittaṃ kalaśaṃpūjanaṃ grahamaṇḍalapūjanaṃ dikpālapūjanamacchidraṃ sampūrṇamastu || āpannosmi0
kalikaluṣa0 āhvānaṃ | udakalaśaṃ0 iti vivāhavidhiḥ
samāptaḥ
o 3 m
athopa̍nayanavidhiḥ
saṃskārāṇāmā'nupūrvyaṃ vakṣye laugākṣibhāṣitam | yathoktakarmahomānāṃ yathākālaṃ yathākramam || ṛtau caturthyāṃ snātāyāṃ prājāpatyaṃ caruṃ śrapet | niścaye bījavāpasya gṛhyasūtre vidhiḥ smṛtaḥ || sīmantaśca yathākālaṃ
kāryaṃ puṃsavanaṃ tataḥ | jātakarma nāmakarma darśanaṃ sūryyacandrayoḥ || annaprāśanahomo'tha coḍopāyanameva ca
ṛtunakṣatrayāgātprāgbhaikṣasyācaraṇaṃ viduḥ || vyākhyānaṃ
brahmacaryasya home sampādite bhavet | śaucaśikṣā sandhyopāstirmantrāṇāmupadeśanam || tathā'gnīndhanamantrāṇāṃ tato bhaikṣasya bhojanam | tiṣṭhantaṃ tadahaḥśeṣaṃ sthāpayebrahmacāriṇam || sandhyopāstyāgnikāryaṃ ca bhaikṣacaryāṃ tato'nvaham | traividyakaṃ yathākālamupākarma yathoditam
cāturhotikahomau dvāvā''raṇyāni vratānya'tha | godānahomastraividyāpavargo'pi tataḥ smṛtaḥ || yathākālama'dhyayanamutsarjanavidhiścatataḥ | prāsyāgnau daṇḍamajinaṃ
mekhalāṃ cāpsu nikṣipet || madhuparkastato deya ācāryāya yathāvidhiḥ | snānavrate snātakāya madhuparkaṃ pradāpayet || ekādaśānuvākena tataḥ syāda'nuśāsanam
snātasya svastipuṇyatvāddhomo'tha syāttrikādibhiḥ
putraṃ pitā'rhayettatra svastipuṇyeṣva'taḥ param | madhuparkavidherante vidyātīrthavratādikam | sarve kuryādvidhānena tato gṛhasamāśrayaḥ || anena kramayogena yathākālaṃ dvijanmanām | kāryaḥ śarīrasaṃskāraḥ pāvanaḥ śubhakarmakṛt
na nirvāpaśca sīmante jātakarmaṇi vai tathā | cūḍopānayostadvattraividyakavratadvaye | upākarmaṇi godāne vivāhe prāyaścitake || caturgṛhītvā pradhānānyathākarma samācaret | sakṛtsaṃskṛtasaṃskāraḥ sīmantena dvijaḥ striyāḥ
yaṃ yaṃ garbhaṃ prasūyate sa sarvaḥ saṃskṛto bhavet || anekadevatāyāge tveka eva carūḥ śrapet | ṛte puṃsavanāhvaye laugākṣivacanaṃ yathā || mauṃjībandhe raktaśvete maṇḍale sūryyacandrayoḥ | vartule navarekhāḍhye vitastisaṃmite yajet
keśāntiko brāhmaṇasya daṇḍaḥ kāryyaḥ pramāṇataḥ | lalāṭasaṃmito rājñaḥ syāttu nāsāntiko viśaḥ || nāṅguṣṭhādadhikā kāryyā samitasthūlā tathā kacit | upavītaṃ vaṭorekaṃ dve taditarayoḥ smṛte || oṃkāraṃ pūrvamuccāryya vyāhṛtīstadanantaram | sāvitrī praṇavaścānte japa evamudāhṛtamiti
śrīmahāgāyatryai namaḥ, sāvitryai namaḥ, sarasvatyai namaḥ,
svasti prajābhyaḥ | ādāvaśmacūrṇena grahamaṇḍalaṃ tadbahi
ūrdhvādhaścandrasūryyayornavarekhāyute dvādaśāṃgulamite śvetarakte
vartule maṇḍale colikhya || oṃkāro yasya mūlamityādi | vaṣaṭte viṣṇa tāvat | tataḥ kalaśe pradhānāni
oṃ prajāpate nahi tvadanya etā viśvā jātāni paritā
babhūva | yatkāmāste juhumastanno astu vayaṃ syāma patayo rayīṇāṃ namaḥ