Paraskaragrihyasutra 42
Pāraskaragṛhyasūtrabhāṣya 42
- Language
- Sanskrit
Contents
- 42.19 — 6 parts
42.1
idamadyomarīcibhyodhātresamudrāyabrahmaṇe ca | idaṃviśvebhyodevebhyaādityebhyovasubhyodevebhyorudrebhyo marudbhyaḥ prajāpataye ( parameṣṭhine ) ca | 3 idamaṣṭakāyai | ubhayoḥ sviṣṭakṛt | mahāvyāhṛtyādibrāhmaṇabhojanāntaṃ tato vaiśvadevaḥ | icchayāṣṭakāśrāddhaṃ, kecinnecchanti (?) || iti prathamāṣṭakā | krameṇa madhyamākartavyatāmāha 'madhyamā gavā ' kartavyatāṃ vakṣyati paśuścedāplānyetyādinā | gopaśuśca surāgraha iti gopaśorniṣiddhatvātkalau chāgaḥ | tadabhāve caruḥ | 'tasyai॰॰॰tṛbhyaiti' caturthī ṣaṣṭhyarthe tasyā ityarthaḥ | vapāvadānātprāgupariṣṭācca hiraṇyaśakalopastārābhyāṃ paścāvattattā saṃpādyā | homaścā''ḍapasavyena savyaṃ jānvācya pitṛtīrthena vahvapāmityasya paitṛkatvāt | paśoḥ kartavyatāṃ vadiṣyati | carupakṣe viśvebhyodevebhyaḥ svāhetyapūpavaccaruhomaḥ | idaṃ viśvebhyodevebhyaḥ | tata dvitīyasthālīpākahomādi | anyatsarvaṃ prathamāṣṭakāvat | āpyamāṇasya maṇḍamuddhṛtya sruveṇāpasavyena vapāhomaḥ | idaṃ pitṛbhyaḥ | 'śvonva॰॰॰vat' sarvāsāmaṣṭakānāṃ śvaḥ uttaredyuḥ | tadarthemāha anvaṣṭakāsu aṣṭakāyāḥ paścātkriyamāṇāḥ anvaṣṭakāḥ tāsu | pārśve ca sakthi ca pārśvasakthinī te ca te savye ca pārśvasakthisavye tābhyāmanvaṣṭakākhyā kriyā kartavyetyarthaḥ | kutretyata āha parivṛte āvasathyagṛhe sarvata ācchādite | kathaṃ syādata āha piṇḍapitṛyajñavat | padārthakramaścāyam | aparāhṇe parivṛtasthasyāgneḥ vaiśvadevānantaraṃ paristaraṇaṃ tato'pasavyena nīvībandhanam | homavarjamapasavyena dakṣiṇābhimukhena | pātrāsādane srugvā ? | asinā pārśvasakthoḥ māṃsānicchitvā āsādayet | surādipañcakam | carupakṣe taṇḍulāḥ | carugrahaṇavat māṃsagrahaṇaśrapaṇādi | kaṇḍananiṣpavanādi na bhavati | tenolūkhalāderāsādanābhāvo māṃsapakṣe | anyatsarvaṃ piṇḍapitṛyajñavadityanenādiṣṭapiṇḍapitṛyajñavadatidiṣṭam | viśeṣamāha 'strībhyaśca' mātṛpitāmahīprapitāmahībhyaḥ pitrādibhyaḥ piṇḍadānānantaraṃ piṇḍadānasamuccayārthaścakāraḥ | 'upa॰॰॰naca' na kevalaṃ strībhyaḥ piṇḍadānamapitu karṣuṣu surayā tarpaṇena copasecanam | kāṇḍaharītakīguḍarasena ca surā | tarpaṇaṃ saktubhiḥ | strī piṇḍebhyaḥ paścātkarṣavaḥ dairghye prādeśamitāḥ caturbhiraṅgulairvistṛtāḥ | aṅgulakhātāḥ | teṣu surāyāḥ saktūnāṃ cāsekaḥ | prāksūtrasaṃpradānasamuccāyārthaṃ ādyaścakāraḥ | surāsaktvoḥ samuccayārtho dvitīyaścakāraḥ | prayogastu—gotre mātaḥ asukidevi surāṃ pibasva | mātṛdvayaṃ cet pibethāṃ, bahvadhvetyipabadhvamiti dakṣiṇasaṃsthaṃ pratyavaṭaprakṣepe prayogaḥ | evaṃ tṛpyasvatṛpyethāṃtṛpyadhvamiti pratyavaṭaṃ mātṛpitāmahīprapitāmahībhyaḥ saktūn kṣipet | 'añja॰॰॰jaśca' strīpiṇḍeṣu pratipiṇḍamañjanaṃ sauvīrāñjanamabhāve laukikam | anulepanaṃ candanādi | srajaḥ pitṛpriyapuṣpamālāḥ | cakāraḥ dadyāditikriyāsamuccayārthaḥ | prayogastu—gotre mātaḥ asukidevide añjasva | añjethām | añjadhvaṃ | evaṃ pitāmahīprapitāmahībhyām | anulimpasva | anulimpethām anulimpadhvam | srajo'pinahyasva | srajopinahyethām | srajopinahyadhvam | atrapitaraityādi ulmukaprakṣepāntaṃ piṇḍapitṛyajñavat | 'ācā॰॰॰icchan' piṇḍadānaṃ
42.3
samuccīyate | atra sāmānyo'pi strīśabdaḥ pitrādisaṃnidhānāt mātrādiparo'vasīyate | 'upa'...'llaṅśca' na kevalaṃ strībhyaḥ piṇḍāndyāt kiṃ tu upasecanaṃ ca kuryāt | kayā surayā madyena | kāsu karṣūṣu avaṭeṣu na kevalaṃ surayā tarpaṇena ca tarpayatyaneneti tarpaṇasādhanaṃ saktvādi tena | cakāra upasecanakriyāsamuccayārthaḥ karaṇādhikaraṇayośceti lyuḍanto'tra tarpaṇaśabdaḥ | traikakudaṃ sauvīrāñjanamiti prasiddhaṃ tadalābhe laukikaṃ kajjalam anulepanaṃ sugandhidravyaṃ candanādi, srajaḥ apratiṣiddhasurabhipuṣpamālāḥ | cakāro dyāditi kriyāsamuccayārthaḥ | 'ācā'...'cchan' yadi kāmayeta tadā ācāryāya antevāsibhyaśca śiṣyebhyaḥ piṇḍān dyāt | yadi te anapatyāḥ syuḥ | 'madhyā'...'kāṣṭakā' evamaṣṭakātrayaṃ sāmānyato viśeṣataścānuvidhāya pitryetyudeśakramaprāptāṃ viśeṣataścaturthīmaṣṭakāmāha madhyā madhye varṣe vṛṣṭikāle prauṣṭhapadyā urdhvamaṣṭamītyarthaḥ | turīyā caturthī śākāṣṭakā śākena kālaśākākhyena nirvartyā aṣṭakā śākāṣṭakā | iti sūtrārthaḥ || || athāṣṭakākarmapaddhatiḥ | tatra mārgaśīrṣyā urdhvaṃ kṛṣṇāṣṭamyāṃ mātṛpūjāpūrvamābhyudayikaśrāddhaṃ vidhāya āvasathyāgnau karma kuryāt | keṣāṃcinmate aṣṭakākarmasu ābhyudayikaṃ nāsti | nāṣṭakāsu bhavecchrāddhamiti vacanāt | tatra brahmopaveśanādiprāśanānte viśeṣaḥ | taṇḍulānantaraṃ pūrvamaupāsanāgnisiddhasyaivāpūpasyāsādanaṃ prokṣaṇaṃ ca prokṣaṇakāle | tatrājyabhāgāntaṃ karma kṛtvā triḥ śatsavasāra ityevamādyā daśāhutīrhutvā sthālīpākena śāntāpṛthivītyādibhiścaturbhirmantraiścatasra āhutīrhutvā apūpādindrāya svāhetyekāmāhutiṃ dattvā sthālīpākādapūpācca sviṣṭakṛte juhoti | tadyathā ājyabhāgānantaraṃ triḥ śatsavasāra upayanti niṣkṛtadsamānaṃ ketuṃ pratimuccamānāḥ | ṛtūm̐stanvate kavayaḥ prajānatīrmadhye chandasaḥ pariyanti bhāsvatīḥ svāhā idaṃ svasrabhyo0 | jyotiṣmatī pratimuccate nabho rātrī devī sūryasya vratāni | viśyanti paśavo jāyamānā nānārūpā māturasyā upasthe svāhā idadḥ rātryai0 | ekāṣṭakā tapasā tapyamānā jajāna garbhaṃ mahimānamindram | tena dasyūmyaḥ sahanta devā hantāsurāṇāmabhavacchacībhiḥ svāhā idamaṣṭakāyai0 | anānujāmanujāṃ māmakatta satyaṃ vadantyanviccha etat | bhūyāsamasya sumatau yathā yūyamanyā vo anyāmatimāprayukta svāhā | idadḥ rātrībhyo0 | abhūnmama sumatau viśvavedā āṣṭa pratiṣṭhāmavidaddhi gādham | bhūyāsamasya sumatau yathā yūyamanyābo anyāmatimāprayukta svāhā | idadḥ rātrībhyo0 | paścavyuṣṭīranupaścadohā gāṃ paścanānnīmṛtavo'nupaśca | paścadiśaḥ paścadaśena krutāḥ samānamūrdhnīradhilokamekathaṃsvāhā | idadḥ rātrībhyo0 | ṛtasya garbhaḥ prathamā vyuṣiṣyapāmekā mahimānaṃ vibharti | sūryasyaikā carati niṣkṛteṣu dharmasyaikā savitaikāṃ niyacchatu svāhā | idadḥ rātryai0 | yā prathamā vyaucchatsā dhenurabhavadyame | sā naḥ payasvatī dhukṣvottarāmuttarāḷaṃ samāḷaṃ svāhā || idadḥ rātryai0 || śukraṛṣabhā nabhasā jyotiṣāgādviśvarūpā śabalīramiketuḥ | samānamartha॰ svapasyamānā bibhratī jarāmajara uṣa āgātsvāhā | idadḥ rātryai0 | ṛtūnāṃ patnī prathameyamāgādahāṃ netrī janitrī prajānām | ekā satī bahudhoṣo vyaucchatsā jīrṇā tvaṃ jarayasi sarvamanyatsvāhā | idadḥ rātryai0 |
grahaṇe pṛthivyai aṃtarikṣāyadivedigbhyaḥ pradigbhyaādigbhyo'horātrābhyāmadyomarīcibhyodhātresamudrāyabrahmaṇeviśvebhyodevebhya ādityebhyovasubhyodevebhyorudrebhyomarudbhyaḥ prajāpatayeparameṣṭhine'ṣṭakāyaijuhūgṛhṇāmi | prokṣaṇe tvāśabdaḥ | ājyādhiśrayaṇānantaraṃ karparikāmadhiśritya tatrāpūpaṃ sthāpya carumadhiśritya paryagnikaraṇādi | śeṣaṃ paribhāṣāvat | tata ājyabhāgānantaraṃ daśājyāhutīrvakṣyamāṇairmantrairjuhotītyarthaḥ | tānāha | 'trim̐śa॰॰manya svāheti' tyāgāstu | idaṃ trim̐śatsvasṛbhyaḥ 1 idaṃ rājyai 2 triṣu idamaṣṭakāyai 3—5 paṃcasu idaṃ rājyai 6—10 | ādyāṣṭakāyā indradevatākatvādindrāyasvāhetyapūpahomaḥ | idamindrāya | kecittu sthālīpākahomānantaramapūpahomamāhuḥ | 'sthālī॰॰॰kāyaisvāheti' śāntāpṛthivītyādicaturbhirmantraiścatasra āhutīḥ sthālīpākasya juhotītyarthaḥ | tyāgāstu idaṃ pṛthivyai antarikṣāya dive divebhyaḥ pradigbhya ādigbhyo'horātrābhyāṃ ca |
42.10
atha sthālīpākenāhutīścatasraḥ śāntā pṛthivītyādibhiścaturbhirmantrairjuhoti pratimantram | tadyathā | śāntā pṛthivī śivamantarikṣadṃ śaṃ no dyaurabhayaṃ kṛṇotu | śaṃ no diśaḥ pradiśaṃ ādiśo no'horātre kṛṇutaṃ dīrghamāyuryarthavai svāhā | idaṃ pṛthivyai antarikṣāya dive digbhyaḥ pradigbhya ādigbhyo'horātrābhyāṃ ca0 | āpo marīcīḥ paripāntu sarvato dhātā samudro apahantu pāpam | bhūtaṃbhaviṣyadakṛntadviśvamastu me brahmābhiguptaḥ surakṣitaḥ syāthaṃsvāhā | idamadbho marīcibhyo dhātre samudrāya brahmaṇe ca0 | viśve ādityā vasavaśca devā rudrā gotāro marutaśca santu | ūrjaṃ prajāmṛtaṃ dīrghamāyuḥ prajāpatirmayi parameṣṭhī dadhātu naḥ svāhā | idaṃ viśvebhya ādityebhyo vasubhyo devebhyo rudrebhyo marudbhyaḥ prajāpataye parameṣṭhine ca0 | aṣṭakāyai svāhā idamaṣṭakāyai0 | atha apūpādekāhutiḥ |
42.19.1
śālāgnisādhyānyanuvihitāni śālākaraṇaṃ ca noktam ato hetoḥ śālākarma śālāyā gṛhasya kriyā vyākhyāsyata iti sūtraśeṣaḥ | tadyathā | ‘ puṇyā…yet ’ puṇyaṃ śubhaṃ malamāsabālavṛddhāstamitaguruśukragurvādityasiṃhasthagurukṣayamāsadinatryahakrūramahākrāntaṃsuktabhogyanakṣatrādidoṣarahitaṃ jyotiḥśāstrādinoktagṛhārambhavihitamāsapakṣatithivāranakṣatrayogakaraṇamuhūrtacandratārāvalabalagrādiguṇānvitamahaḥ puṇyāhaṃ tasminpuṇyāhe śālāṃ gṛhaṃ kārayet nirmāpayet | punaḥ puṇyāhagrahaṇaṃ tūdagayanaśuklapakṣayoraniyamārtham | śālāṃ kārayedityuktam | tacca śālākaraṇaṃ deśamantareṇa na saṃbhavati iti sāmānyato deśe prāpne— yannāmnātaṃ svaśākhāyāṃ pāraskyamavirodhi yat | vidvadbhistadanuṣṭheyamagnihotrādikarmavat | itivacanāt pāraskarācāryeṇānuktamapi gobhilagṛhyasūtroktadeśaviśeṣamavirodhādapekṣitatvāccātra likhāmaḥ | tadyathā | kīdṛśe deśe śālāṃ kārayet | same lomaśe aviśraṃśini prācīnapravaṇe udakpravaṇe vā akṣīrākaṇṭakākaṭukauṣadhivatate viprasya gaurapāṃsau kṣatriyasya lohitapāṃsau vaiśyasya kṛṣṇapāṃsau, vāstuśāstramate vaiśyasya pītapāṃsau śūdrasya kṛṣṇapāṃsau, sthirāghāte ekavarṇe aśuṣke anūṣare'marau marurnirjalo deśaḥ | akiline brahmavarcasakāmasya darbhayukte balakāmasya bṛhattṛṇayute paśukāmasya mṛdutṛṇayute śādāsmite maṇḍaladvīpasaṃmite vā | svayaṃkhātaśca bhavati vā |
42.19.2
yaśaskāmasya balakāmasya ca prāgdvārāṃ putrapaśukāmasyodagdvārāṃ sarvakāmasya dakṣiṇadvārāṃ na pratyagdvārāṃ mukhyādvārasaṃmukhān dvārarahitāṃ pūrvāditaḥ pradakṣiṇakrameṇāśvatthaplakṣavaṭaudumbaravṛkṣavarjitāṃ kārayet || bhavanasya pūrvādau vaṭaudumbarāśvatthaplakṣāḥ sārvakāmikāḥ | viparītāstvasiddhidā iti matsyapurāṇe | tathā kaṇṭakī kṣīravṛkṣaśca āsannaḥ saphalo drumaḥ | bhāryāhāniṃ prajāhāniṃ kurvanti kramaśastathā | nacchindyādyadi tānyānyanantare sthāpayecchubhān | punnāgāśokavakulaśamītilakacampakān | dāḍimī pippalī drākṣā tathā kusumamaṇḍapam | jambīrapūgapanasadrumamañjarībhirjātīsarojaśatapatrikamallikābhiḥ | punnārikelakadalīdalapāṭalābhiryuktaṃ tadatra bhavanaṃ śriyamātanoti | ‘tasyā…svāheti’ tasyāḥ śālāyā avaṭaṃ stambhāropaṇārthe khātamabhimukhena juhoti, acyutāya bhaumāya svāheti mantreṇa | atrāvaṭamityekavacanamanyeṣāṃ trayāṇāmupalakṣaṇārthe saṃskāryatvāviśeṣāt gṛhaṃ saṃmārṣṭītivadekavacanam | avaṭāścatvāraḥ kuta iti cet dhavalagṛhasya stambhaśālārūpasya ca caturṣu koṇeṣu catvāro mūlastambhā bhavanti, te ca śilāmucchrīyante śilāścāvaṭeṣviti catvāraḥ | ataścaturṣu koṇeṣu āgneyādiṣu catvāro'vaṭā bhavanti teṣvevājyena homaḥ | ‘ stambha…mīti’ stambhamucchrayati utthāpayati avaṭe minotītyarthaḥ | kena mantreṇa | imāmucchrayāmītyāditreyovasāna ityantena mantreṇa caturaḥ | tato'nenaiva mantreṇa nairṛtyādyavaṭeṣu caturaḥ stambhānucchrayati | itaragṛhe tu caturṣu koṇeṣu śilānyāsa eva bhavati anenaiva mantreṇa | ‘ prapadyate ’ tataḥ śālāṃ prapadyate praviśati |
42.19.3
‘abhyanta…śāmīti’ | abhyantarataḥ ardhaniṣpannāyāḥ śālāyā madhye agnimāvasathyamupasamādhāya paścabhūsaṃskārapūrvakaṃ sthāpayitvā dakṣiṇataḥ agnerdakṣiṇapārśve brāhmaṇamupaveśya uttarataḥ agneruttarapradeśe udapātraṃ jalapūrṇaṃ tāmrādibhājanaṃ pratiṣṭhāpya nidhāya | atra punarbrahmopaveśanamudapātrapratiṣṭhāpanāvasaravijñāpanārtham | sthālīpākaṃ caruṃ śrapayitvā yathāvidhi paktvā brāhmaṇaṃ prathamamṛtvijamāmantrayate saṃbodhayati | kathaṃ, brahmanpraviśāmīti | ‘brahmā…padya iti’ tata āmantritena brahmaṇā praviśasvetyanujñātaḥ prasūtaḥ praviśati, ṛcaṃ prapadye śivaṃ prapadya iti mantreṇa śālāṃ prapadyate | ‘ājyaṭhaḥ…hoti’ vāstoṣpata ityādi | atra prāknamapyājyasaṃskāravidhānamādhārādarvāk iharatiriti ājyasya homaprāptyartham | ājyasaṃskārānantaraṃ paryukṣaṇānte iharatirityādi iha svadhṛtiḥ svāhetyantena mantreṇaikām | upasṛjamityā- disudīdharasvāhetyantena mantreṇa dvitīyāmāhutiṃ hutvā vāstoṣpata iti catasṛbhirṛgbhiraparādhyatatra ājyāhutīrjuhoti | tata āghārāvājyabhāgau hutvā | 'sthālī…tyādi' tataḥ sthālīpākasya caroragnimindramityādibhiḥ ṣaḍbhirmantraiḥ ṣaḍāhutīḥ pratimantramekaikāṃ juhoti | 'prāśa…prokṣet' tataḥsviṣṭakṛdādisaṃsravaprāśanānte kāṃsye kāṃsyamaye pātre saṃbhārān vakṣyamāṇānopya kṛtvā audumbarapatrāṇi sasurāṇi sakṣīrāṇi śāṅvalaṃ durvāgomayamarogiṇyādigoḥ śakṛt dadhi madhu ghṛtaṃ yavān nigadavyākhyātān āsanānica upasthānāni ca āsanopasthānāni vāstuśāstropadiṣṭāni teṣu prokṣet udumbarapalāśādisaṃbhāraistānyabhiṣiñcedityarthaḥ|
42.19.4
tatrāsanāni nāgadantādimayasthānāni upasthānāni devatāsthānāni| 'pūrvaṃ saṃdhāvabhimṛśati' śrīśca tveti| tataḥ śālāyāḥ pūrvaṃ saṃdhau abhimṛśati purvasaṃdhipradeśamālabhate śrīśca tveti mantreṇa| evaṃ dakṣiṇe sandhau yajñasya tveti mantreṇa| tathaiva paścime sandhau annaṃ ca tveti| tadvaduttare sandhau ūrkcatveti| 'niṣka…chate' evaṃ śālāyāḥ pūrvādisaṃdhīnabhimṛśya bahirniṣkramya diśaḥ prācīpramukhāścatasraḥ ketā ca mā suketā cetyādibhiścaturbhirmantraiḥ pradakṣiṇakrameṇa pratimantramupatiṣṭhate stauti| 'niṣṭhitāṃ prapadyate dharmasthūṇeti' niṣṭhitāṃ nirmitāṃ saṃpūrṇāmiti yāvat| prapadyate praviśāti dharmasthūṇetyādisantusarvetaityantena mantreṇa| 'tato brāhmaṇabhojanam' iti sūtrārthaḥ|| || atha prayogaḥ| atha śālākarmocyate| tatra puṇyāhe mātṛpūjāpūrvakamābhyudayikaṃ śrāddhaṃ kṛtvā pūrṇāhutivadājyaṃ saṃskṛtya stambhasthānāvaṭeṣu caturṣu pratyavaṭamāgneyakoṇādārabhya acyutāya bhaumāya svāhetyanena mantreṇaikaikāmājyāhuti juhuyāt | idamacyutāya bhaumāyeti pratyāhuti tyāgaḥ| atha homakrameṇāveṭaṣu tūṣṇīṃ śilāḥ sthāpayitvā tadupari 'imāmucchrayāmi bhuvanasya nābhiṃ vasordvārāṃ prataraṇīṃ vasūnām| ihaiva dhruvāṃ niminomi śālāṃ kṣeme tiṣṭhatu ghṛtamukṣamāṇā| aśvāvatī gomatī sūnṛtāvatyucchrayasva mahate saubhagāya| ātvā śiśurākrandatvā gāvo dhenavo vāśyamānāḥ| ātvā kumāratastaruṇa āvatso jagadaiḥ saha| ātvā parisrutaḥ kumbha ādadhnaḥ kalaśairūpa| kṣemasya patnī bṛhatī suvāsā rayiṃ no dhehi subhage suvīryam| aśvāvadgomadūrjasvatparṇe vanaspateriva|
42.19.5
abhinaḥ pūryatāṅrayiridamanuśreyo vasāna'| ityanena mantreṇa homakrameṇaiva caturṣu avaṭeṣu caturaḥ stambhānucchrayati minoti| stambhābhāve'nenaiva mantreṇa pratyavaṭaṃ śilāṃ sthāpayet| ardheniṣpannāyāṃ śālāyāṃ tanmadhyapradeśe paśvabhūsaṃskārapūrvakamāvasathyāgni sthāpayitvā brāhmaṇamupaveśyāgneruttaratta udapātraṃ pratiṣṭhāpya praṇītāpraṇayanaṃ vidhāya kuśakaṇḍikāpūrvekaṃ caruṃ śrayayitvā prokṣaṇyutpavanānte bahirniṣkramya dvārasamīpe gṛhābhimukhaṃ sthitvā brahmanpraviśāmīti brāhmaṇamāmantrya praviśasveti brahmaṇānujñāta ṛtaṃ prapadye śivaṃ prapadya iti mantreṇa śālāṃ praviśet| atha svāsane upaviśya upayamanakuśādānasamidādhānaparyukṣaṇāni kṛtvā iha ratiriha ramadhvamiha dhṛtiriha svadhṛtiḥ svāhetyekāmājyāhutiṃ juhuyāt, idamagnaya iti tyāgaṃ vidhāya, upasṛjaṃ dharuṇaṃ mātre dharuṇo mātaraṃ dhayan| rāyaspoṣamasmāsu dīdharatsvāheti mantreṇa dvitīyāmājyāhutiṃ juhoti| idamagnaya iti tyaktvā aparāścatasra ājyāhutīrjuhoti| vāstoṣpate pratijānīhyasmānsvāveśo anamīvo bhavānaḥ yattvemahe pratitano juṣasva śaṃ no bhava dvipade śaṃ catuṣpade svāhetyekām idaṃ vāstoṣpataye0| vāstoṣpate prataraṇo na edhi gayasphāno gobhiraśvebhirindo| ajarāsaste sakhye syāma piteva putrānprati tanno juṣasva svāheti dvitīyām idaṃ vāstoṣpataye0| vāstoṣpate śagmayā sahaḥsadā te sakṣīmahi raṇvayā gātumatyā| pāhi kṣema uta yoge varatno yūyaṃ pāta svastibhiḥ sadā naḥ svāheti tṛtīyām idaṃ vāstoṣpataye0 amīvahā vāstoṣpate viśvārūpāṇyāviśan|
42.19.6
sakhā suśeva edhi naḥ svāhetyanena caturthīṃ juhuyāt idaṃ vāstoṣpataya iti catusṛṣu tyāgaḥ| tata āghārāvājyabhāgau hutvā caruṇā agnimindramityādibhiḥ ṣaḍbhirmantraiḥ ṣaḍāhutīrjuhuyāt| tadyathā| agnimindraṃ bṛhaspatiṃ viśvāndevānupahvaye| sarasvatīṃ ca vājīṃ
Linked texts (1)
- Pāraskaragṛhyasūtra — Pāraskara, Sanskrit