Paraskaragrihyasutra Par.3.2
Pāraskaragṛhyasūtra Par.3.2
- Language
- Sanskrit
Par.3.2
daivapūrvaṃ śrāddhaṃ piṇḍapitṛyajñavadupacāraḥ pitrye dviguṇāstu darbhāḥ pavitrapāṇirdadyādāsīnaḥ sarvatra praśneṣu paṅktimūrddhanyaṃ pṛcchati sarvānvāsaneṣu darbhānāstīrya viśvāndevānāvāhayiṣya iti pṛcchatyāvāhayetyanujñāto viśvedevāsa āgatetyanayā ' 'vāhyāvakīrya viśvedevāḥ śṛṇutemamiti japitvā pit.ṝnāvāhayiṣya iti pṛcchatyāvāhayetyanujñāta uśantastvetyanayā ' 'vāhyāvakīryāyantu na iti japitvā yajñiyavṛkṣacamaseṣu pavitrāntarhiteṣvekaikasminnapa āsiñcati śannodevīrityekaikasminneva tilānāvapati tilo 'si somadaivatyo gosavo devanirmitaḥ \ pratnamadbhiḥ pṛktaḥ svadhayā pit.ṝm̐llokān prīṇāhi naḥ svāheti sauvarṇarājataudumbarakhaḍgamaṇimayānāṃ pātrāṇāmanyatameṣu yāni vā vidyante patrapuṭeṣu vaikaikasyaikaikena dadāti sapavitreṣu hasteṣu yā divyā āpaḥ payasā saṃbabhūvuryā āntarikṣā uta pārthavīryāḥ \ hiraṇyavarṇā yajñiyāstā na āpaḥ śivāḥ śaṃsyonāḥ suhavā bhavantvityasāveṣate 'rgha iti prathame pātre saṃsravāntsamavanīya pitṛbhyaḥ sthānamasīti nyubjaṃ pātraṃ nidadhātyatra gandhapuṣpa dhūpadīpavāsasāṃ ca pradānam \\2\\
Commentaries (5)
- Gṛhyasūtraprakāśikā — Viśvanātha 1575, Sanskrit
- Pāraskaragṛhyasūtrabhāṣya — Karka, Sanskrit
- Karkaṭīkā — Karka, Sanskrit
- Pāraskaragṛhyasūtrabhāṣya (Harihara) — Harihara (Pāraskara commentator), Sanskrit
- Vyākhyā, Bhāṣya, Vṛtti etc — Sanskrit
Linked texts (1)
- Śrāddhakalpa — Kātyāyana, Sanskrit