Vaikhanasasmartasutra 1.1.13
Vaikhānasasmārtasūtra 1.1.13
- Language
- Sanskrit
1.1.13
dakṣiṇapraṇidhau brāhmeṇa tīrthena prajāpatipurogānādāhayāmītyuttarapraṇidhau daivenāgnyādīnaupāsanayajñaṃ yajñadaivataviśvāndevānsarvadevānāvāhayāmītyantaṃ paitṛke vaiśvadevayajñaṃ yajñadaivataviśvāndevānāvāhayāmītyantamāvāhayedyathāvāhanaṃ sruveṇājyamūrdhva nītvā juṣṭaṃ nirvapāmīti nirvāpaṃ karoti tṛpyadhidvayena dvidhāgnau homyaṃ darśayitvāgnirjyotirdvayena samidulkena dvidhā dahati samidasi svāheti samidhaṃ juhoti sruveṇājyaṃ gṛhītvāmṛtamasīti anuttānamantaritamityuttānaṃ pratyuṣṭamityanuttānaṃ homyaṃ pradakṣiṇamabhimantryājyaṃ gṛhītvottānaṃ svato dakṣiṇato vāmataḥ praṇītāyāṃ saṃdhāya citpatistvādibhistribhireva tridhāgnau saṃvapati \13\