Vaikhanasasmartasutra 1.4.12
Vaikhānasasmārtasūtra 1.4.12
- Language
- Sanskrit
1.4.12
atha nityārcanamato devā iti devaṃ praṇamya nirmālyamapohyotpūtairādhāvairvyāhṛtyā vediṃ parimṛjya pūvavaddevaṃ dhyātvā pra tadviṣṇuriti kuśapuṣpadarbhānyatamenāsanaṃ kalpayitvā trīṇi padeti pādyaṃ śaṃ no devīrityācamanaṃ dadyādiṣe tvorje tveti snāpayitvā viṣṇornu kamiti vastrābharaṇairalaṃkaroti pūrvavat vatpādyācamanaṃ dattvā tadviṣṇoḥ paramaṃ padamiti puṣpaṃ tadviprāsa iti gandhaṃ paro mātrayeti dhūpaṃ viṣṇoḥ karmāṇīti dīpaṃ trirdeva ityarghyaṃ dattvā punarācamanaṃ dadāti tadasya priyamiti havirnivedayedidaṃ viṣṇuriti pānīyaṃ tathācamanaṃ vicakrame pṛthivīmiti pukhavāsaṃ ca dattvā dvādaśāṣṭākṣarābhyāṃ puṣpāṇi dadāti taṃ yajñapuruṣaṃ dhyāyanpuruṣasūktena saṃstūya praṇāmaṃ kuryādyajñeṣu vihīnaṃ tatsaṃpūrṇaṃ bhavatīti śrutirdvijātiratandrito nityaṃ gṛhe devāyatane vā bhaktyā bhagavantaṃ nārāyaṇamarcayettadviṣṇoḥ paramaṃ padaṃ gacchatīti vijñāyate \12\