Vaikhanasasmartasutra 1.5.11
Vaikhānasasmārtasūtra 1.5.11
- Language
- Sanskrit
1.5.11
athādāhyānvyākhyāsyāmo na dāhyo 'tulyo bhavati tulyo 'pi pāparogānvito rajjuśastraviṣavibhramapratiṣiddhahataścātmaghātī brāhmaṇādihīnahato 'gnidagdho 'psu mṛto vyāḍahastipaśumattahataḥ svakilbiṣāśanibhūtasaṃpātabhṛgupatanamahaughaparisarpaṇamahādhvagamanapravāsadurgavyādhyupekṣāvyarthaprāyopaveśaneṣu mṛto na dāhyo bhavatyā dantajananānnāgnirā cauḍakādvetyā pañcamādvarṣāddārakasyā saptamātkanyāyā nāgnistūṣṇīṃ bhūmau balinirvapaṇamityeke \11\