Vaikhanasasmartasutra 1.7.7

Vaikhānasasmārtasūtra 1.7.7

Language: Sanskrit

1.7.7

jātadantasya cauḍakātpūrvaṃ maraṇe tryahaṃ bhūmau tūṣṇīṃ balinirvāpaṇamityeke dahanaprabhṛtyāhitāgnermaraṇaprabhṛtyanāhitāgnerekādaśe 'hanyekoddiṣṭaṃ kuryāt ekoddiṣṭanimittaśrāddhe tannāmnā pretanimittaṃ bhuṅkṣveti brāhmaṇaṃ varayitvā pretāya svadheti pāṇau tilodakaṃ dattvā homaṃ piṇḍadānaṃ ca kṛtvānnādi sakṛtsakṛddatvā bhojayedudyantaṃ vā dadātīti kecit nimittaśrāddhe māse 'tīte hīne ca prājāpatyaṃ caritvā prāyaścittaṃ hutvā pūrvavadekoddiṣṭaṃ kuryātsapiṇḍīkaraṇātpūrvaṃ māsi māsi tanmaraṇadine piṇḍaṃ nirupyaikaṃ bhojayati dvādaśe ṣaṣṭhe tṛtīye vā māse śubhakārye prāpte dvādaśāhe vā sapiṇḍīkaraṇaṃ kuryāt \7\

Previous: 1.7.6
Next: 1.7.8
Up: 1.7

Linked texts (1)

Vaikhānasa — Sanskrit