Nighantu 193.1
Nighaṇṭu 193.1
- Language
- Sanskrit
193.1
25
tāsāmeṣā bhavati-
"i̱maṃ me̍ gaṅge yamune sarasvati̱ śutu̍dri̱ stoma̍ṃ sacatā̱ paru̍ṣṇyā
a̱si̱knyā ma̍rudvṛdhe vi̱tasta̱yārjī̍kīye śṛṇu̱hyā su̱ṣoma̍yā ||"
imaṃ me gaṅge yamune sarasvati śutudri paruṣṇi stomamāsevadhvamasikanyā ca saha marudvṛdhe vitastayā cārjīkīye
āśṛṇuhi suṣomayā ceti samastārthaḥ
athaikapadaniruktam-gaṅgā gamanāt
yamunā prayuvatī gacchatīti vā, praviyutaṃ gacchatīti vā
sarasvatī sara ityudakanāma sartestadvatī
śutudrīśudrāviṇī kṣipradrāviṇyāśu tunneva dravattīti vā
irāvatīṃ paruṣṇītyāhuḥ-parvavatī bhāsvatī kuṭilagāminī
asiknyaśuklāsitā-sitamiti varṇanāma tatpratiṣedho'sitam
marudvṛdhāḥ sarvā nadyo maruta enā varddhayanti vitastā'vidagdhā
vivṛddhā mahākūlā
ārjīkīyāṃ vipāḍityāhuḥ | ṛjīkaprabhavā varjugāminī
vā, vipāḍipāṭanādvā, viprāśanādvā, viprāyaṇādvā, pāśā
asyāṃ vyapāśyanta vasiṣṭhasya mumūrṣatastasmādvipāḍucyate
pūrvamāsīduruñjirā
suṣomā sindhuryadenāmabhiprasuvanti nadyaḥ
sindhuḥ syandanāt