Nighantu 286.1

286.1

teṣāmeṣā bhavati-
“sa̱pta ṛṣa̍yaḥ prati̍hitāḥ śarī̍re sa̱pta ra̍kṣanti̱ sada̱mapra̍mādam
sa̱ptāpa̍ḥ svapa̍to lo̱kamī̍yu̱statra̍ jāgṛto asva̍pajau satra̱sadau̍ ca de̱vau ||”
teṣāmeṣāparā bhavati-
"ti̱ryagbi̍laścama̱sa ū̱rdhvabu̍dhno̱ yasmi̱nyaśo̱ nihi̍taṃ vi̱śvarū̍pam
atrā̍sa̍ta̱ ṛṣa̍yaḥ sa̱pta sā̱kaṃ ye asya̍ go̱pā ma̍ha̱to ba̍bhū̱vuḥ ||"
tiryagbilaścamasa ūrdhvabandhana ūrdhvabodhano vā, yasminyaśo
nihitaṃ sarvarūpamatrāsata ṛṣayaḥ sapta sahādityaraśmayo ye
asya gopā mahato babhūvurityadhidaivatam
athādhyātmaṃ tiryagbilaścamasa ūrdhvabandhana ūrdhvabodhano
vā, yasminyaśo nihitaṃ sarvarūpamatrāsata ṛṣayaḥ sapta sahendriyāṇi yānyasya goptṝṇi mahato babhūvurityātmagatimācaṣṭe