Nighantu 94.1

Nighaṇṭu 94.1

Language: Sanskrit

94.1

aṃsatramaṃhasastrāṇaṃ dhanurvā kavacaṃ vā | kavacaṃ ku añcitaṃ
bhavati kāñcitaṃ bhavati kāye'ñcitaṃ bhavatīti vā-
"prīṇī̱tāśvā̍n hi̱taṃ ja̍yātha svasti̱vāha̱ṃ rathamitkṛ̍ṇudhvam
droṇā̍hāvamava̱tamaśma̍cakramaṃsaṃtrakośaṃ siñcatā nṛ̱pāṇa̍m ||"
prīṇītāśvān suhitaṃ jayatha jayanaṃ vo hitamastu svastivāhanaṃ rathaṃ kurudhvaṃ droṇāhārvaṃ droṇaṃ drumamayaṃ bhavati
āhāva āhvānādāvaha āvahanādavato'vātito mahān
bhavatyaśmacakramaśanacakramasanacakramiti vā aṃsatrakośamaṃsatrāṇi vaḥ kośasthānīyāni santu kośaḥ kuṣṇātervikuṣito bhavati
ayamapītaraḥ kośa etasmādeva sañcaya ācitamātro mahān
bhavati siñcata nṛpāṇaṃ narapāṇaṃ kūpakarmaṇā saṃgrāmamupamimīte

Previous: 93.75
Next: 94.76
Up: 94

Linked texts (1)

Nirukta — Yāska, Sanskrit