Rijvartha 12.21

12.21

“sā̱kaṃjānā̍ṃ sa̱ptatha̍māhureka̱jaṃ ṣaḷidya̱mā ṛṣa̍yo deva̱jā iti̍
teṣā̍mi̱ṣṭāni̱ vihi̍tāni dhāma̱śaḥ sthā̱tre re̍jante̱ vikṛ̍tāni rūpa̱śaḥ ||”
sahajātānāṃ ṣaṇṇāmṛṣīṇāmādityaḥ saptamaḥ | teṣāmiṣṭāni vā
kāntāni vā krāntāni vā gatāni vā matāni vā natāni vādbhiḥ saha
saṃmodante | yatraitāni sapta ṛṣīṇāmi jyotīṃṣi tebhyaḥ para ādityaḥ
tānyetasminnekaṃ bhavanti | ityadhidaivatam | athādhyātmam | sahajātānāṃ
ṣaṇṇāmindriyāṇāmātmā saptamaḥ | teṣāmiṣṭāni vā kāntāni vā
krāntāni vā gatāni vā matāni vā natāni vānnena saha saṃmodante
yatremāni sapta ṛṣīṇānīndriyāṇi | ebhyaḥ para ātmā | tānyetasminnekaṃ bhavanti
" striya̍ḥ sa̱tīstām̐ u̍ me puṃsa ā̍huḥ pa̱śyada̍kṣaṇvānna vi ce̍tada̱ndhaḥ
ka̱viryaḥ pu̱traḥ sa ī̍mā ci̍keta̱ yastā vi̍jā̱nāt sa pi̱tuṣpi̱tāsa̍t ||"
" sa̱ptārdha̍garbhā̱ bhuva̍nasya̱ reto̱ viṣṇo̍stiṣṭhanti pra̱diśā̱ vidha̍rmaṇi
te dhī̱tibhi̱rmana̍sā te vi̍pa̱ścita̍ḥ pari̱bhuva̱ḥ pari̍ bhavanti vi̱śvata̍ḥ ||"
saptaitānādityaraśmīnayamadityo girati madhyasthānordhvaśabdaḥ
yānyasmiṃstiṣṭhanti tāni dhītibhiśca manasā ca viparyyanti | paribhuvaḥ
paribhavanti sarvāṇi karmāṇi varṣakarmaṇā | ityadhidaivatam | athādhyātmam | saptemānīndriyāṇyayamātmā girati madhyasthānordhvaśabdaḥ | yānyasmiṃstiṣṭhanti tāni dhītibhiśca manasā ca viparyyanti | paribhuvaḥ
paribhavanti sarvāṇīndriyāṇi jñānakarmaṇā | ityātmagatimācaṣṭe