Rijvartha 4.5-3

4.5-3

indraḥ (4) kasmāt | irāṃ dṛṇāti iti vā
irāṃ dadāti iti vā
irāṃ
dadhāti iti vā
irāṃ dārayati iti vā
indve dravatīti vā
indau ramate iti vā
indhe bhūtāni iti vā
“yadahaṃ viśiṣṭo'smi tvaṃ tadviśiṣṭo'si ”
“tadindrasyendratvamiti vijñāyate |”
idaṃkaraṇād iti āgrāyaṇaḥ
idaṃ darśanāt iti aupamanyavaḥ
indateḥ vā aiśvaryakarmaṇaḥ
śatrūṇāṃ dārayitā vā drāvayitā vā
" adarda̍rutsa̱masṛ̍jo̱ vi khā̍ni̱ tvama̍rṇa̱vān ba̍dbadhā̱nām̐ ara̍mṇāḥ
ma̱hānta̍mindra̱ parva̍ta̱ṃ vi yaddvaḥ sṛ̱jo vi dhārā̱ ava̍ dāna̱vaṃ ha̍n || " 5
"savitā yantraiḥ pṛthivīma̍ramṇāt”
tasya eṣā aparā bhavati
"yo jāta eva pratha̱mo mana̍svān de̱vo de̱vān kratu̍nā parya̍bhūṣat
yasya̱ śuṣmā̱droda̍sī abhya̍setāṃ nṛ̱mṇasya̍ ma̱hnā sa ja̍nāsa̱ indra̍ḥ ||”
yo jāyamāna eva prathamo manasvī devo devān kratunā karmaṇā
paryyabhavat paryyagṛhṇāt paryyarakṣadatyakrāmaditi vā | yasya balād dyāvāpṛthivyāvapyavibhītāṃ nṛmṇasya mahnā, balasya mahattvena | sa janāsa indra
ityuṣerddaṣṭārthasya prītirbhavatyākhyānasaṃyuktā
parjanyastṛperādyantaviparītasya | tarpayitā janyaḥ | paro jetā vā