Rijvartha 7.14-2
Ṛjvarthā 7.14-2
- Language
- Sanskrit
7.14-2
āha| "andhaḥ bhagaḥ ityāhuḥ|" tasya ko'rtha iti| ucyate| sa hi
sūryabhāvam anutsṛṣṭo na dṛśyate| nāsmin draṣṭṛṇāṃ dhyānaṃ darśanamastītyandhaḥ| na
punarasāveva na paśyati| "prāśitramasyākṣiṇī nirjaghāna" iti ca iti
aitihāsikapakṣābhiprāyo'yamarthavādaḥ prāśitrabhāgasyānanvīkṣaṇastutyartham| "janaṃ bhago
gacchati" iti| tadetat prasiddhameva| yadā tadātmanā janamādityo gacchati
sūryaḥ (9) iti vaktavyam| sa punarayaṃ bhagakālātsṛtaḥ sūryo bhavati| srarteḥ vā
sūryaḥ| suvatervā prasavārthasya| sa eva hi idaṃ sarvaṃ prasuvati| janayatītyarthaḥ| svīryatervā| supūūrvasya vā īrayateḥ gatyarthasya| vāyunā hyayaṃ suṣṭhu īryate| preryata ityarthaḥ
tasya eṣā bhavati prādhānyastutiḥ