Yāska's Nirukta 158.2

Ṛjvarthā (Niruktavṛtti) 158.2

Language: Sanskrit

158.2

“ādhavaḥ(117)”-ityanavagatam | “ādhavanāt”-ityavagamaḥ, ākampanādityarthaḥ| “maṃsīmahiṃ tvā vayama̱smāka̍ṃ deva pūṣan | matīnāṃ ca̱ sādhanaṃ viprā̍ṇāṃ cādha̱vam || (ṛ0 saṃ0 7, 7, 13, 4)”-iti || aindrasya vimadasyārṣam | anuṣṭup | pauṣṇī || ‘maṃsīmahi’ ‘tvā’ tvāṃ he ‘pūṣan’ ! ‘deva !’ ‘“matīnāṃ” ‘“ca” prajānāmasmākaṃ “sādhanaṃ” sādhayitāram, ādityena hi prāṇināṃ prajā abhivyajyante | kiñca, ye cānye'vi ‘“viprāḥ” prāptaprajñāḥ medhāvinaḥ, teṣām “ādhavam” ākampayitāraṃ svayameva | tathā tvamātmano guṇavattāṃ darśayasi, yathā protkampamānahṛdayāste tvāṃ stuvate || evamatra śabdasārūpyādarthāvirodhācca “ādhavaḥ = ākampayitā”-ityupapadyate |
6 |
29|

Previous: 157.1
Next: 158.3
Up: 158

Linked texts (1)

Nirukta — Yāska, Sanskrit