Yāska's Nirukta 171.14

Ṛjvarthā (Niruktavṛtti) 171.14

Language: Sanskrit

171.14

karmaphalasiddhaye lokamanujighṛkṣantaḥ kutaḥ punarjāyante ? “ātmajanmānaḥ” yo'sāveka ātmā bahudhā stūyata ityupāttai-sarvamūrtiḥ sthitau, uparatasarvamūrttiḥ pralaye, bhāvākhyaḥ sanmātraḥ sargakāle ṣoḍhātmāna vibhajya jagadbhāvaṃ bibhartti, tasmājjāyanta ityātmajanmānaḥ || ka eva tasmānna jāyate ? iti cet | satyam, sarvaṃ tasmāt jāyate na kāmakāreṇa | devāstu tamātmānaṃ paśyanto yogena tataḥ kāmakārato jāyante || kimeṣāṃ janma ? yadeṣāmicchatāṃ saṅkalpānuvidhāyikarmānurūpaṃ yathākālamātmanaḥ kāryakāraṇamutpadyate, tadeteṣāṃ janma | tadanīśvarāṇāṃ nāsti |

Previous: 171.13
Next: 171.15
Up: 171

Linked texts (1)

Nirukta — Yāska, Sanskrit