Yāska's Nirukta 44.6

Ṛjvarthā (Niruktavṛtti) 44.6

Language: Sanskrit

44.6

"na śabdānukṛtirvidyata ityaupamanyavaḥ” śakuniṣpi na śabdānukṛtihetukaṃ nāma vidyate, ityaupamanyava ācāryoṃ manyate | kiṃ kāraṇam ? vyabhicāritvāt | śyāmā, darvī, pucchaplavaḥ, haṃsaḥ,–ityevamādiṣu śabdānukaraṇahetuko nāmadheyapratilambho nāsti | śakunikṣetre'pi śabdānukāro na vidyate | bahavo hyevaṃprakārā anyakriyāryairnāmabhiranvitāḥ śakunayaḥ | tatra, yaduktaṃ “tadidaṃ śakuniṣu bahulam” iti | etadayuktam | āha-kathaṃ
tarhi kākasyāpyakriyāhetuko nāmadheyapratilambha iti ? ucyate-sa hi “kākaḥ apakālayitavyo bhavati” upaghātabhayāt sa hi yadyat spṛśati tattadupahantīti apakālyate tasmāt kāka ityucyate |
18 |

Previous: 44.5
Next: 44.7
Up: 44

Linked texts (1)

Nirukta — Yāska, Sanskrit