Yāska's Nirukta 14.24

14.24

``tad id āsa bhuvaneṣu jyeṣṭham yato jajña ugras tveṣanṛmnṇah/
sadyo jajñāno ni riṇāti śatrūn anu yam viśve madanty ūmāh/(ṛV.10,120,1)''
tad bhavati bhūteṣu bhuvaneṣu jyeṣṭham ādityam yato jajña ugras tveṣa nṛmṇo dīptinṛmṇah/
sadyo jajñāno niriṇāti śatrūn iti/
niriṇātiḥ prītikarmā dīprikarmā vā anumadanti yam viśva ūmāh/
ity adhidaivatam/
atha adhyātmam/
tad bhavati bhūteṣu bhuvaneṣu jyeṣṭham avyaktam yato jāyata ugras tveṣa nṛmṇo jñānanṛmṇah/
sadyo jajñāno niriṇāti śatrūn iti/
niriṇātiḥ prītikarmā dīptikarmā vā/
anumadanti yam sarva ūmāh/
ity ātmagatim ācaṣṭe/