Vakyapadiya 1.46.2

1.46.2

yatra bādhaḥ tatrāpramāṇaṃ| abādhe tu pramāṇameva | abādhitā hi saṃvitsvataḥ pramāṇamiti jaiminīyamayaḥ | sarvajñeśvaradevatānāṃ ca śāstrārthādhigatānāṃ na kiṃ cana bādhakamatpaśyāmaḥ | nanu ca mārjārādīnāṃ sārthakaṃ vacanaṃ śrūyate na ca tatra samvādo 'stītyevameva sarvamahaṣṭārthapramāṇam | maivaṃ vocaḥ | sarvajñabhūtānāṃ vacanasyāgamāntareṇāpi sārthakasya saṃvāopalabdherabādhitatvameva | carmacakṣuṣaḥ parametanna manyante| tathā hi bhagavānpatañjaliḥ, śabdārthasaṃyamanātsarvabhūtarutajñānamādideśa | tasmādyatra nāsti saṃvādyo bādhakamātraparyavasānamarthavādavākye, tadasatyārthapratipādanenāstu kāryamātrapratipādanaparam | yatra tu nāsti bādhaḥ śāstrāntareṇa saṃvādastatpramāṇameva| na ca tatra kāryaparatā siddhārthapratipādanena | purāṇetihāsavākyānāṃ tāvatyeva praśnottarayoḥ samāptatvadarśanāttatparijñānamātrācca dharmotpattyabhyupagamāt | kiñca dhyeye nirjñāte dhyānādiranuṣṭhātuṃ śakyata iti niṣprayojanatā 'pi nāstīśvarādipratipādakānāṃ vākyānāṃ| tathā ca śāstraṃ | ātmā jñātavyo mantavyo ratnatattvaparīkṣāyāṃ, rūpatarkṣyāṇāṃ ca rūpyatātiśayaparicchede yathākyāsaprakarṣatāratamyaṃ| yacca sātiśayaṃ tadavaśyaṃ kva citkāṣṭhāprāptaṃ sambhāvyate| yathā'ditye tejo dāhakatvamagnau śaityamapsu|tathā jñānaiśvaryaśaktibalādayo guṇāḥ sātiśayāḥ puruṣeṣu dṛṣṭāḥ sarvajñe 'pi vyāpikāṣṭhāprāptamatiśayamāvedayantaḥ, tatsamucitamādhāraṃ pūrṇasamastasamparkamanumāpayantyeva| atiśaya eva hi jñānādīnāṃ tāratamyena dṛśyamānaḥ sarvajñabījaṃ |