Kurmapurana 2.p11
Kūrmapurāṇa 2.p11
- Language
- Sanskrit
2.p11
prājāpatyaṃ brāhmaṇānāṃ smṛtaṃ sthānaṃ kriyāvatām | sthānamaindraṃ kṣatriyāṇāṃ saṃgrāmeṣvapalāyinām || vaiśyānāṃ mārutaṃ sthānaṃ svadharmamanuvartatām | gāndharvaṃ śūdrajātīnāṃ paricāreṇa vartatām || aṣṭāśītisahastrāṇāmṛṣīṇāmūrdhvaretasām | smṛtaṃ teṣāntu yatsthānaṃ tadeva guruvāsinām† || saptarṣīṇāmnu yatsthānaṃ smṛtaṃ tadvai vanaukasām | prājāpatyaṃ gṛhasthānāṃ sthānamuktaṃ svayaṃbhuvā || yatīnāṃ jitacittānāṃ nyāsinām‡mūrdhvaretasām | hairaṣyagarbhaṃ tatsthānaṃ yasmānnāvarttate punaḥ || yogināmamṛtaṃ sthānaṃ vyomākhyaṃ paramañcaram§ | ānandamaiśvaraṃ dhāma sā kāṣṭhā sā parā gatiḥ || ṛṣaya ūcuḥ | bhagavandevatārighna hiraṇyākṣaniṣūdana | catvāro hyāśramāḥ proktā yogināmeka ucyate