Kurmapurana 2.p12

2.p12

kūrma uvāca | sarvakarmāṇi saṃnyasya samādhimacalaṃ śritaḥ | ya āste niścalo yogī sa sannyāsī ca pañcamaḥ || sarveṣāmāśramāṇāñca dvaividhyaṃ śrutidarśitam† | brahmacāryyupakurvāṇo naiṣṭhiko brahmatatparaḥ || yo'dhītya vidhivadvedān gṛhasthāśramamāvrajet | upakurvāṇako jñeyo naiṣṭhiko maraṇāntikaḥ || udāsīnaḥ sādhakaśca gṛhastho dvividho bhavet | kuṭumbabharaṇāyattaḥ sādhako'sau gṛhī bhavet || ṛṇāni vīkṣyapāñcatya‡ tyaktvā bhāryyādhanādikam | ekākī yastu vicaredudāsīnaḥ sa maukṣikaḥ || tapastapyati yo'raṇye yajeddevān juhoti ca | svādhyāye caiva nirato vanasthastāpasomataḥ || tapasā karṣito'tyarthaṃ yastu dhyānaparo bhavet | sānnyāsikaḥ sa vijñeyo vānaprasthāśrame sthitaḥ || yogābhyāsarato§ nityamārurukṣurjitendriyaḥ | jñānāya varttate bhikṣuḥ procyate pārameṣṭhikaḥ