Kurmapurana 2.p15

2.p15

caturthāmāśramāṇāñca prokto'yaṃ vidhivaddvijaḥ| śāśvato vaiṣṇavo brāhmo harāśrama iti trayaḥ || talliṅgadhārī niyataṃ tadgatājanavatsalaḥ | dhyāyedathārcayedetān brahmavidyāparāyaṇaḥ || savaṣāmeva bhaktānāṃ bhasmolliṅgamamuttamam | sitena bhasmanā kāryaṃ lalāṭe tu tripuṃḍrakam || yastu nārāyaṇaṃ devaṃ prapannaḥ paramaṃ padam | dhārayetsarvvadā śūlaṃ lalāṭe gandhavāribhiḥ || prapannā ye jagadvījaṃ brahmāṇaṃ parameṣṭhinam | teṣāṃ lalāṭe tilakaṃ dhāraṇīyantu sarvvadā || yo'sāvanādirbhūtādiḥ† kālātmāsau dhṛto bhavet | uparthyadhobhāvayogāttripuṃḍrasya tu dhāraṇāt || yattatpradhānaṃ triguṇaṃ brahmaviṣṇuśivātmakam | dhṛtantu śūlaṃ‡dhāraṇāttavatyeva na saṃśayaḥ || brahmātejomayaṃ śuklaṃ yadetanmaṇḍalaṃ raveḥ | bhavatyeva dhṛtaṃ jñānamaiśvaraṃ tilake kṛte