Kurmapurana 2.p14

2.p14

tisrastu mūrttayaḥ proktā brahmaviṣṇumaheśvarāḥ | rajaḥsattvatamogogātparasya paramātmanaḥ || anyonyamanuraktāste hyanyonyamupajīvinaḥ | anyonyapraṇatāścaiva līlayā parameśvarāḥ || brāhmī māheśvarī caiva tathaivākṣarabhāvanā | tisrastu bhāvanā rudre varttante satataṃ dvijāḥ || pravarttate mayyajasramādyā khaccarabhāvanā | dvitīyā brahmaṇaḥ proktā devasyācarabhāvanā || ahaṃ caiva mahādevī na bhinnaḥ paramārthataḥ | vibhajya svecchayātmānaṃ so'ntaryāmīśvaraḥ sthitaḥ || trailokyamakhilaṃ sraṣṭuṃ sadevāsuramānuṣam | puruṣaḥ parato'vyakto brahmatvaṃ samupāgamat || tasmādbrahmā mahādevī viṣṇurviśveśvaraḥ paraḥ | ekasyaiva smṛtāstisrastādṛśārthavaśātprabhoḥ || tasmātsarvvaprayatnena vandyāḥ pūjyāḥ viśeṣataḥ | yadīcchedacirātmānaṃ yattatsocākhyamavyayam || varṇāśramaprayuktena dharmeṇa prītisaṃyutaḥ | pūjayedbhāvayuktena yāvajjīvaṃ pratijñayā