Kurmapurana 2.p5

2.p5

evaṃ mayā mahāmāyā preritā harivannabhā | yathādiṣṭaṃ cakārāsau tasmāllakṣmīṃ samarccayet || śriyaṃ dadāti vipulāṃ puṣṭiṃ medhāṃ yaśo balam | arccitā bhagavatpatnī tasmāllakṣmīṃ samarccayet || tato'sṛjatsa bhagavān brahmā lokapitāmahaḥ | carācarāṇi bhūtāni yathāpūrvvaṃ mamājñayā || marīcimatryaṅgirasaṃ pulastyaṃ pulahaṃ kratum | dakṣamatriṃ vasiṣṭhañca so'sṛjadyogavidyayā || navainai brahmaṇaḥ putrā brāhmaṇā brāhmaṇottamāḥ | brahmavādina evaite marīcādyāstu sādhakāḥ || sasarjja brāhmaṇānvaktrāt kṣatriyāṃśca bhujādvibhuḥ | vaiśyānūrudvayādevaḥ padbhyāṃ śūdrān pitāmahaḥ || yajñaniṣpattaye brahmā śūdravarjaṃ sasarjja ha | tṛptaye sarvvadevānāṃ tebhyo yajño hi nirmabhau || ṛco yajūṃṣi sāmāni tathaivātharvvaṇāni ca | brahmaṇaḥ sahajaṃ rūpaṃ nityaiṣā śaktiravyayā || anādinidhanā divyā vāgutsṛṣṭā svayambhuvā | •ādau vedamayī bhūtā yataḥ sarvvāḥ pravṛttayaḥ†