Kurmapurana 2.p6

2.p6

ato'nyāni hi śāstrāṇi pṛthivyāṃ yāni kānicit | na teṣu ramate dhīraḥ pāṣaṇḍī ramate budhaḥ† || vedārthavittamaiḥ kāryaṃ yatsmṛtaṃ munibhiḥ purā | sa jñeyaḥ paramo dharmo nānyaśāstreṣu saṃsthitaḥ || yā vedavāhyāḥ smṛtayo yāśca kāśca kudṛṣṭayaḥ | sarvāstā niṣphalāḥ pretya tamoniṣṭhā hi tāḥ smṛtāḥ || pūrvakalpe prajā jātāḥ sarvvabādhāvivarjitāḥ | śuddhāntaḥkaraṇāḥ sarvvāḥ svadharmaparapālakāḥ‡ || tataḥ kālavaśāttāsāṃ rāgadveṣādiko'bhavat | adharmo muniśārdūlāḥ svadharmapratibandhakaḥ || tataḥ sā sahajā siddhistāsāṃ nātīva jāyate | rajomātrādhikāstāsāṃ siddhayo'nyāstadābhavan || tāsu kṣīṇāsvaśeṣāsu kālayogena tāḥ punaḥ | vārttopāyaṃ punaścakrurhastasiddhiñca karmmajām || tatastāsāṃ vibhuḥ§ brahmā vārttājīvamakalpayat | svāyambhuvo manuḥ pūrvvaṃ dharmmānprovāca sarvvadṛk