Kurmapurana 2.p9

Kūrmapurāṇa 2.p9

Language: Sanskrit

2.p9

parityajedarthakāmau yau syātāṃ dharmavarjitau| sarvalokaviruddhaśca dharmamapyācarenna tu|| dharmātsaṃjāyate hyartho dharmātkāmo'bhijāyate| dhruvaṃ evāpavargāya tasmāddharmaṃ samāśrayet|| dharmaścārthaśca kāmaśca trivargastriguṇo mataḥ| satvaṃ rajastamaśceti tasmāddharmaṃ samāśrayet|| ūrddhaṃ gacchanti satvasthā madhye tiṣṭhanti rājasāḥ| jaghanyaguṇavṛttisthā adho gacchanti tāmasāḥ|| yasmindharmasamāyuktau hyarthakāmau vyavasthitau| ihaloke sukhī bhūtvā pretyānantyāya kalpate|| dharmātsaṃjāyate mokṣo hyarthātkāmo'bhijāyate| evaṃ sādhanasādhyatvaṃ cāturvidhye† pradarśitam|| ya evaṃ veda dharmārthakāmamokṣasya‡ mānavaḥ| māhātmyaṃ cānutiṣṭheta§ sacāmantyāya kalpate

Previous: 2.p8
Next: 2.p10
Up: 2

Linked texts (2)

Devībhāgavatapurāṇa — Sanskrit
Kūrmapurāṇa — Vyāsa, Sanskrit