Kurmapurana 2.p8

2.p8

bhikṣācaryyā ca śuśrūṣā guroḥ khādhyāya eva ca | sandhyākarmmānikāryyaśca dhammo'yaṃ brahmacāriṇām || brahmacārivanasthānāṃ bhikṣukāṇāṃ dvijottamāḥ | sādhāraṇaṃ brahmacaryyaṃ provāca kamalodbhavaḥ || ṛtukālābhigāmitvaṃ svadāreṣu na cānyataḥ | parvvavarjjaṃ gṛhasthasya brahmacaryyamudāhṛtam || prāgarbhadhāraṇādājñā kāryyā tenāpramādataḥ | akurvāṇastu viprendrā bhrūṇahā nūpajāyate† || vedābhyāso'nvahaṃ śaktyā śrāḍañcātithipūjanam | gṛhasthasya paro dharmmo devatābhyarccanaṃ tathā || vaivāhyamagnimindhīta‡ sāyaṃ prātaryathāvidhi | deśāntaragato vāpya ṛtapatnīka eva ca || trayāṇāmāśramāṇāstu gṛhastho yonirucyate | anye tamupajīvanti tasmācchreyān gṛhāśramī || aikāśrayyaṃ gṛhasthasya caturṇāṃ śrutidarśanāt | tasmādgārhasthyamevaikaṃ vijñeyaṃ dharmasādhanam