Kurmapurana 3.p5

3.p5

ekāsminyathavāṃ samyagvartetāmaraṇāntikam | śraddhāvānāśrame yuktaḥ so'mṛtatvāya kalpate || nyāyāgatadhanaḥ† śānto brahmavidyāparāyaṇaḥ | svadharmapālako nityaṃ brahmabhūyāya kalpate || brahmaṇyādhāya karmāṇi niḥsaṅgaḥ kāmavarjitaḥ | prasannenaiva manasā kurvāṇo yāti tatpadam || brahmaṇā dīyate deyaṃ brahmaṇe saṃpradīyate | brahmaiva dīyate ceti brahmārpaṇamidaṃ param || nāhaṃ karttā sarvametadbrahmaiva kurute tathā | etadbrahmārpaṇaṃ proktamṛṣibhistattvadarśibhiḥ || prīṇātu bhagavānrīśaḥ karmaṇānena śāśvataḥ | karoti satataṃ buḍyā brahmārpaṇamidaṃ param || yadvā phalānāṃ‡ saṃnyāsaṃ prakuryyātparameśvare | karmaṇāmitadapyāhurbrahmārpaṇamanuttamam | kāryamityeva yatkarma niyataṃ saṅgavarjitam | kriyate viduṣā karma tadbhavedapi mokṣadam