Kurmapurana 3.p6

Kūrmapurāṇa 3.p6

Language: Sanskrit

3.p6

athavā yadi karmāṇi kuryyānnityānyapi dvijaḥ | akṛtvā phalasaṃnyāsaṃ badhyate tatphalena tu || tasmātsarvvaprayatnena tyaktā karmāśritaṃ phalam | aviddānapi kurvīta karmmāpnoti cirātpadam || karmmaṇā cchīyate pāpamaihikaṃ paurvvikaṃ tathā | manaḥprasādamanveti brahmavijjāyate naraḥ ||† karmaṇā sahitājjñānāt samyagyogo'bhijāyate | jñānaṃ ca karmmasahitaṃ jāyate doṣavarjjitam || tasmātsarvvaprayatnena yatra tatrāśrame rataḥ |‡ karmmāṇīśvaratuṣṭyarthaṃ kuryyānnaiṣkarmmamāpnuyāt || saṃprāpya paramaṃ jñānaṃ naiṣkarmmaṃ tatprasādataḥ | ekākī niṣkramaḥ śānto jīvanneva§ vimucyate || vīkṣate paramātmānaṃ paraṃ brahma maheśvaram | nityānandī nirābhāsaḥ¶ tasminneva layaṃ vrajet

Previous: 3.p5
Next: 3.p7
Up: 3

Linked texts (1)

Kūrmapurāṇa — Vyāsa, Sanskrit