Kurmapurana 6.p2

6.p2

jalakrīḍāsu ruciraṃ vārāhaṃ rūpamāsthitaḥ | aṣṭārthaṃ manasāpyanyervāṅgmayaṃ brahmasaṃjñitam | pṛthivyuddharaṇārthāya praviśya ca rasātalam | daṃṣṭrayābhyujjahārenāmātmādhāro dharādharaḥ || dṛṣṭvā daṃṣṭrāgravinyastāṃ pṛthvīṃ prathitapauruṣam | astuvañjanalokasthāḥ† siddhā brahmarṣayo harim | ṛṣaya ūcuḥ | namaste devadevāya brahmaṇe parameṣṭhine‡ | puruṣāya purāṇāya śāśvatāya jayāya ca || namaḥ svayaṃbhuve tubhyaṃ sraṣṭre sarvārthavedine | namo hiraṇyagarbhāya vedhase paramātmane || namaste vāsudevāya viṣṇave viśvayonaye§ | nārāyaṇāya devāya devānāṃ hitakāriṇe || namo'stu te caturvaktrāgārṅgacakrāsidhāriṇe | sarvabhūtātmabhūtāya kūṭasthāya¶ namo namaḥ || namo vedarahasyāya namaste veda‌yonaye | namo buddhāya śuddhāya namaste jñānarūpiṇe