Kurmapurana 6.p3
Kūrmapurāṇa 6.p3
- Language
- Sanskrit
6.p3
namo'stvānandarūpāya sākṣiṇe jagatāṃ namaḥ | anantāyāprameyāya kāryāya kāraṇāya ca || namaste pañcabhūtāya pañcabhūtātmane namaḥ | namo mūlaprakṛtaye māyārūpāya te namaḥ || namo'stu te varāhāya namaste matsyarūpiṇe | namo yogādhigamyāya namaḥ saṃkarṣaṇāya te || namastrimūrttaye tubhyaṃ tridhāmne divyatejase | namaḥ śivāya pūjyāya guṇatrayavibhāgine || namo'stvādityarūpāya† namaste padmayonaye‡ | namo'mūrttāya mūrttāya§ mādhavāya namo namaḥ || tvayaiva sṛṣṭamakhilaṃ tvayyeva sakalaṃ sthitam¶ | pālayaitajjagatsarvaṃ trātā tvaṃ śaraṇaṃ gatiḥ|| || ityaṃ sa bhagavān viṣṇuḥ sanakādyairabhiṣṭutaḥ | prasādamakarotteṣāṃ varāhavapurīśvaraḥ
Linked texts (4)
- Kūrmapurāṇa — Vyāsa, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Kūrmapurāṇa (Ananta Gokhale) — Ananta Gokhale, Sanskrit