Tistar Yast (Yast 8) 8.62

8.62

yaϑā. ahū. vairiiō. aϑā. ratuš. aṣ̌āt̰cīt̰. hacā. vaŋhə̄uš. dazdā. manaŋhō. š́iiaoϑananąm. aŋhə̄uš. mazdāi. xšaϑrəmcā. ahurāi.ā. yim. drigubiiō. dadat̰. vāstārəm. yaϑā. ahū. vairiiō. aϑā. ratuš. aṣ̌āt̰cīt̰. hacā. vaŋhə̄uš. dazdā. manaŋhō. š́iiaoϑananąm. aŋhə̄uš. mazdāi. xšaϑrəmcā. ahurāi.ā. yim. drigubiiō. dadat̰. vāstārəm. yasnəmca. vahməmca. aojasca. zauuarəca. āfrīnāmi. tištriiehe. stārō. raēuuatō. xvarənaŋuhatō. satauuaēsahe. frāpahe. sūrahe. mazdaδātahe. aṣ̌əm. vohū. vahištəm. astī uštā. astī. uštā. ahmāi. hiiat̰. aṣ̌āi. vahištāi. aṣ̌əm. ahmāi. raēšca. xvarənasca. ahmāi. tanuuō. druuatātəm. ahmāi. tanuuō. vazduuarə. ahmāi. tanuuō. vərəϑrəm. ahmāi. īštīm. pouruš.xvāϑrąm. ahmāi. āsnąmcit̰. frazaṇtīm. ahmāi. darəγąm. darəγō.jītīm. ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm aϑa. jamiiāt̰. yaϑa. āfrīnāmi. aṣ̌əm. vohū. vahištəm. astī uštā. astī. uštā. ahmāi. hiiat̰. aṣ̌āi. vahištāi. aṣ̌əm. hazaŋrəm. baēṣ̌azanąm. baēuuarə. baēṣ̌azanąm. hazaŋrəm. baēṣ̌azanąm. baēuuarə. baēṣ̌azanąm. hazaŋrəm. baēṣ̌azanąm. baēuuarə. baēṣ̌azanąm. aṣ̌əm. vohū. vahištəm. astī uštā. astī. uštā. ahmāi. hiiat̰. aṣ̌āi. vahištāi. aṣ̌əm. jasa. mē. auuaŋhe. mazda. jasa. mē. auuaŋhe. mazda. jasa. mē. auuaŋhe. mazda. amahe. hutāštahe. huraoδahe. vərəϑraγnahe. ahuraδātahe. vanaiṇtiiā̊sca. uparatātō. rāmanasca. xvāstrahe. vaiiaoš. uparō.kairiiehe. taraδātō. aniiāiš. dāmąn aētat̰. tē. vaiiō. yat̰. tē. asti. spəṇtō.mainiiaom ϑβāṣ̌ahe. xvaδātahe. zruuānahe. akaranahe. zruuānahe. darəγō.xvaδātahe. aṣ̌əm. vohū. vahištəm. astī uštā. astī. uštā. ahmāi. hiiat̰. aṣ̌āi. vahištāi. aṣ̌əm. aϑa. jamiiāt̰. yaϑa. āfrīnāmi. aṣ̌əm. vohū. vahištəm. astī uštā. astī. uštā. ahmāi. hiiat̰. aṣ̌āi. vahištāi. aṣ̌əm.

62. 'Yatha ahu vairyo: The will of the Lord is the law of holiness....
'I bless the sacrifice and prayer, and the strength and vigour of Tistrya, the bright and glorious star, and of the powerful Satavaesa, made by Mazda, who pushes waters forward.
'Ashem Vohu: Holiness is the best of all good....
'[Give] unto that man brightness and glory,.... give him the bright, all-happy, blissful abode of the holy Ones!'