Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v1.c6.s20.233

v1.c6.s20.233

Ślishṭa-prāsāda-nīvrāṅga-vipulaṁ sama-nirgamam |
Shaṭ-varga-sahitaṁ śakti-dhvajayor mukha-paṭṭikam || 134
Vedikā-jālakā-stambha-rājitaṁ siṁha-pañjaram |
Tri-daṇḍādi-chatur-daṇḍa-paryantaṁ vipulānvitam || 135
Yathārhāyāma-saṁyuktaṁ sūchi-pāda-dvayaṁ dvijāḥ |
Sarveshāṁ pañjarāṇāṁ tu madhyame saṁprayojayet || 136
Dhāmni prāsādam āślishṭaṁ sanīvraṁ chārdha-nirgatam |
Adhishṭhānādi-pañchāṅga-śakti-dhvaja-samanvitam || 137
Mukha-paṭṭikayopetaṁ vedikā-jālakānvitam |
Karṇa-pāda-yutaṁ sārdha-pañjaraṁ tu vidhīyate || 138
Prāgvad vipula-saṁyuktaṁ pāda-nirgamānvitam |
Tri-bhāgaṁ nirgataṁ vāpi vṛita-sphaṭika-sannibham || 139
Pañjarasyādimam śesha(ṁ) prāgvad atra samīritam || 140
Svānurūpa-śikhāsv-agraṁ ślishṭa-nīvrāṅga-karṇakaṁ |
Kapotādyāṅga-saṁyuktam etan niryūha-pañjaram || 141
Saṁślishṭa-nīvra-karṇāṅghri-kṛita-nāga-talaṁ śiraḥ |
Niryūha-rahitaṁ yuktaṁ sarvāṅgaṁ lamba-nāsikam || 142
Tad eva siṁha-śrotrābha-śikhaṁ yad-vad nīvrakaṁ |
Saṁśritaṁ karṇa-pādena siṁha-śrotraṁ tad uchyate || 143
Vistāre pañchamāṁśe tu dvy-aṁśaṁ nirgamanānvitam |
Nīvrādhastāt kapotādyair aṁśair maṇḍita-rūpakam ||
Nāmnā tu khaṇḍa-niryūha(ṁ) jñātvā samyak prayojayet || 144
Daṇḍa-daṇḍānta-nishkrāntaṁ nīvrādhastād upary-adhaḥ |
Aṅgair yuktaṁ kapotādyaiḥ kandharaṁ toraṇānvitam || 145
Jhasa-pañjaram etat syād ashṭamaṁ nāmataḥ dvijāḥ || 146