Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v3.c24.s20.1

v3.c24.s20.1

द्वितलानामलङ्कारं वक्ष्ये संक्षिप्यनेऽधुना ।
विस्तारोत्सेध(धौ) हर्म्ये वा पूर्ववत्परिकल्पयेत् ॥ १ ॥
उपानादिस्तूपिपर्यन्तं अ(चा)ष्टाविंशाद्विभाजिते ।
अ(आ)धारोकं गुणांशं स्यात्पादतुङ्गं षडंशकम् ॥ २ ॥
बन्ध्यंशं प्रस्तरोत्सेधं चोर्ध्वं पादं शरांशकम् ।
तदूर्ध्वं पादमञ्चोर्ध्वं शिवांशं वेदिकोदयम् ॥ ३ ॥
तद्द्वयं कन्घरोत्सेधं वेदांशं शिखरोदयम् ।
तदूर्ध्वं स्तूपियुग्मां(त्रयां)शं तुङ्गं तु परिकल्पयेत् ॥ ४ ॥
एकत्रिशांशकं तुङ्गं सार्धबन्द्य(न्धु) मसूरकम् ।
सप्तांशं पादतुङ्गं स्यात्तदर्थं प्रस्तरोदयम् ॥ ५ ॥
तदूर्ध्वेऽर्धमधिष्ठानं द्व्यंश(शं) वेदाङ्घ्रितुङ्ककम् ।
तदर्धं प्रस्तरोत्सेधं तदर्धं वेदिकोदयम् ॥ ६ ॥
तद्द्वयं वेदिसुङ्गं स्याच्छिखरोशं युगांशकम् ।
स्तूपितुङ्गं द्वयांशं स्याद्द्वितले तद्द्वितीयकम् ॥ ७ ॥
तदेवोर्ध्वमधिष्ठानं विमानांशे कवितस्तिकम् ।
तदूर्ध्वेऽङ्घ्रि शरांशं स्यात्कर्णहर्म्यादिमण्डितम् ॥ ८ ॥
शेषं तु पूर्ववत्कुर्यात्तत्तीयद्वितलं भवेत् ।
तुङ्गे द्विरष्टभागं स्याद्व्यर्धांशं मसूरकम् ॥ ६ ॥
गुणांशं चाङ्घ्रितुङ्गं स्यात्प्रस्तरं सार्धभागिकम् ।
तदूर्ध्वमंशमधिष्ठानं तदूर्ध्वे द्व्यंशका(कन) ङ्घ्रिकम् ॥ १० ॥
शिवांशं प्रस्तरोत्तुङ्गं त्रिपादं वो(चो)र्ध्वमसूरकम् ।
पादांशं वेदिकोत्तुङ्गं सपादांशं गलोदयम् ॥ ११ ॥