Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v7.c47.549

v7.c47.549

Evaṁ śreshṭhaṁ tvashṭa-tale sarvālaṅkāra-saṁyutam ।
Janmādi-stūpi-paryantaṁ chāṅga-mānam ihochyate ।
Saikāshṭa-pañchakāṁśa-harmye tuṅgaṁ vibhājite ।
Ādhāraṁ chāshṭa-bhāgena vedāṁśaṁ charaṇāyatam ।
Tad-ardhaṁ valabhyutsedhaṁ sārdhaṁ vahnyamśaṁ aṅghrikam ।
Sa-tri-pādāṁśakaṁ mañchaṁ ūrdhve pādaṁ guṇāṁśakam ।
Tad-ardhaṁ chordhva-mañchaṁ syāt tri-pādākshāṅghri-tuṅgakam ।
Sa-pādāṁśaṁ prastarottuṅgaṁ dvyardhāṁśaṁ charaṇāyatam ।
Tad-ardhaṁ prastarotsedhaṁ jaṅghāyāmaṁ cha sārdhakam ।
Prastaraṁ chaika-bhāgena dvyaṁśa-pādādhikāṅghrikam ।
Urdhva-mañchaṁ tri-pādaṁ syāt sa-bhāgaṁ pāda-tuṅgakam ।
Ekāṁśaṁ prastarotsedhaṁ tad-ūrdhve cha tri-bhāgikam ।
Tat-tri-bhāgaika(ā) vediṁ(ḥ) syād dvi-bhāgaṁ gala-tuṅgakam ।
Sa-pādaṁ chāṁśakaṁ chordhve śiraḥ-śeshaṁ śikhodayam ।
Kechit tad eva tuṅge tu sapta-bhāgādhikaṁ tathā ।
Urdhvordhva-pāda-mūle tu yuktyāṁśena masūrakam ।
Talānāṁ chaika-bhāgena karṇa-harmyāvṛitaṁ nyaset ।
Antara(ṁ) prastaropetaṁ sarvālaṅkāra-saṁyutam ।
Tasyāntasyaika-bhāgena kuryād āvartyālindakam ।
Mūle bhāge pādāṁśena chordhve’rdha-talāṁśakam ।
Netra-śālārdha-śālā cha bhadra-śālādi-bhūshitam ।
Toraṇair nīḍa-śālādi nāsikābhir alaṅkṛitam ।
Koshṭ(h)e śālādi-madhye cha chordhva-śālā cha maṇḍitam ।
Nāsikā-pañjara-śālā kūṭa-koshṭhe tu bhūshitam ।
Nāsikā-pañjarādyasya bhadra-śālyair alaṅkṛitam ।
Kshudra-śālā-pradeśe tu sarvālaṅkāra-saṁyutam ।