Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v7.c47.6723

v7.c47.6723

Pādā nāmā iti prokto teshāṁ lakshaṇaṁ uchyate ॥ (55)
Vistārasya chatur-viṁśat(d)-bhāgaikaṁ pāda-vistaram ।
Tad-eva daṇḍam ākhyātaṁ pādālaṅkāra-karmaṇi ॥ (56)
Mūla-pādasya vistārāt saptaikāṁśena mārgataḥ ।
Dvi-daṇḍaṁ maṇḍir utsedhaṁ daṇḍa-pādaṁ tu vistaram ॥ (57)
Ashṭāṁśaṁ kaṇṭham utsedhaṁ dvi-daṇḍaṁ kumbha-vistaram ।
Utsedhaṁ tu tri-pādaṁ hi pādonā phalakā bhavet ॥ (58)
Tri-daṇḍaṁ vistaraṁ proktaṁ tad-ardhaṁ nirgataṁ smṛitam ।
Vīra-kaṇṭhaṁ tu daṇḍena vistāraṁ tat-samaṁ bhavet ॥ (59)
Tad-ūrdhve potikāyāmaṁ tat-tri-pādaṁ tad-uchchhritam ।
Tri-daṇḍam adhamāyāmaṁ chatur-daṇḍaṁ tu madhyamam ॥ (60)
Uttamaṁ pañcha-daṇḍaṁ tu potikāyāmam uchyate ।
Chitra-patra-taraṅgaiś cha bhūshayitvā tu potikām । (61)
Kumbha-pādaṁ idaṁ proktaṁ kumbha-nimnaṁ prachakshmahe ।
Pādaṁ potikayā yuktaṁ śeshaṁ karma na kārayet ॥ (62)
Kumbha-hīnās tv-ime proktā latā-kumbhaṁ tad uchchyate ।
Kumbhākāraṁ tu tan-mūle tad-ūrdhvaṁ padmam eva tu ॥ (63)
Phalakordhve latāṁ kuryāt tach-chheshaṁ kumbha-pāda-vat ।
Pādāntare tu kartavyaṁ aśaktaś chet tu varjayet ॥ (64)
Sarveshāṁ eva pādānāṁ tat-pādaṁ nirgamaṁ bhavet ॥ (65)