Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c63.s2.35

v1.c63.s2.35

जगतीलिङ्गपीठे च भद्राख्यं राजवेश्मान ॥
प्रासादाश्चैव सर्वाद्या लिङ्ग षट्करतः परम्।
महार्था देशराष्ट्रे च सर्वतोभद्रमर्चयेत् ॥
अधस्तात् सर्वतोभद्राद् भद्राख्योपरि वास्तुकम्।
मध्ये च द्वाविंशतिभिर्गुणिता पदकल्पना ॥
षट्क्षेत्राणि प्रवक्ष्यामि वास्तुपदनिवासिनाम् ॥
संस्थानोन्मानसूत्रं च वास्तुवेदसमुद्भवम्।
चतुरश्रम्रायतं च वृत्तं वृत्तायतं तथा ॥
अष्टाश्रं सार्धचन्द्रं च वास्तुसूत्रं तु षड्विधम् ॥
प्रासादेषु गृहाद्येषु पुरग्रामनिवेशने ।
क्षेत्राणि चतुरश्राणि चतुरश्रं समर्चयेत् ॥
तथागताश्च प्रासादाः पुष्पाकुकुलसम्भवाः।
यथायतनि क्षेत्राणि पूजयेच्च तथायतम् ॥
वापीकूपक्षेत्रकाणि वृत्तानि प्रतिमास्तथा ।
कैलासच्छन्दोद्भवाश्च सर्वे वृत्ताः प्रकीर्तिताः ॥
वृत्तायताश्च मणिका अष्टशाला अष्टाश्रकाः।
तडागेषु समस्तेषु ह्यर्धचन्द्रं प्रपूजयेत् ॥