Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c63.s2.52

v1.c63.s2.52

सप्तभि(ष्टं?)र्दिष्टिरष्टाभिरङ्गुलैस्तूणिरिष्यते ॥
प्रादेशो नवभिस्तैः स्याच्छ्रयतालो दशाङ्गुलः।
गोकर्ण एकादशभिर्वितस्तिर्द्वादशाङ्गुला ॥
चतुर्दशभिरुद्दिष्टः पादो नाम तथाङ्गुलैः।
रनिः स्यादेकविंशत्या स्यादरत्निः करोन्मितः ॥
द्वाचत्वारिंशता किष्कुरङ्गुलैः परिकीर्तितः।
चतुरुत्तरयाशीत्या व्यामः स्यात् पुरुषस्तथा ॥
षण्णवत्याऽङ्गुलैश्चापं भवेन्नाडीयुगं तथा।
शतं षडुत्तरं दण्डो नलवस्त्रिंशद्धनुर्मितः॥
क्रोशो धनुःसहस्रं तु गव्यूतं तद्वयं विदुः।
चतुर्गव्यूतमिच्छन्ति योजनं मानवेदिनः॥
एकं दश शतमस्मात् सहस्रमनु चायुतम्।
नियुतं प्रयुतं तस्मादर्बुदन्यर्बुदे अपि ॥
वृन्दखर्वनिखर्वाणि शङ्कुपद्माम्बुराशयः।
ततः स्यान्मध्यमन्त्यं च परं चापरमप्यतः ॥
परार्धं चेति विज्ञेयं दशवृद्धयोत्तरोत्तरम्।
संख्यास्थानानि कथितान्येवमेतानि विंशतिः॥