Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.22

v1.c64.22

श्वेता रक्ता च पीता च कृष्णकापोतसन्निभा ।
तिक्ता च कटुका चैव काषायलवणाम्लका ॥
मधुरा षड्रसोपेता सर्वसम्पत्करी धरा !
प्रदक्षिणोदकवती वर्णगन्धरसैः शुभा ॥
पुरुषा जलिमात्रे तु दृष्टतोया मनोरमा ।
निष्कपाला निरुपला कृमिवल्मीकवर्जिता ॥
अस्थिवर्ज्या न सुषिरा तनुवालुकसंयुता ।
अङ्कुरैर्वृक्षमूलैश्च शूलैश्चापि पृथग्विधैः ॥
पङ्कसङ्करकूपैश्च दारुभिर्लोष्टकैरपि ।
शर्कराभिरयुक्ता या भस्माद्यैस्तु तुषैरपि ॥