Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.26

v1.c64.26

@H अ० पृ०
@H ५१, १-१२
भूमेः परिग्रहं कृत्वा सद्भावनिभित्तिकमैः।
दिव्यानि वीक्ष्य भौमानि शुभान्यशुभकानि च॥
शुभेषु प्रस्थिते सिद्धिर्विजयः स्यान्महोत्सवः।
अशुभेषु निवर्तेत न गच्छेत् पदमग्रतः॥
तन्मध्ये तया धानं शकुनानि न लक्षयेत्।
चेष्टायुक्तिसमाख्यातं तत्फलं शकुनोत्तमैः॥
आचार्यः सूत्रधारैश्च यजमानैश्च संयुतः।
त्रयश्च साधकैश्चैव कर्मकारादिसंयुताः॥
आचार्यश्च स्वयं ब्रह्मा शिल्पी चैव जनार्द्दनः।
यजमानस्तु शक्रः स्यात् त्रिभिः कर्म प्रवर्तते॥
तत्र भूमिं समीकृत्य त्रयः सह साहायकैः।
दिशाक्षेत्रबलिं दद्युः क्युः खातपरीक्षणम्॥
हस्तमात्रं खनेद् भूमिं तत्स्यान्तर्धृतपांशुकम्।
ततः खातं समाशोध्य पूरयेत् पांशुना वृतम्॥
अधिके पांशुके श्रेष्ठा मध्यमा समपांशुके।
हीनपांशौ कनिष्ठा च ज्येष्ठा मध्याधमा त्रिधा॥
खातं तत्रोदकैर्भृत्वा शिल्पी शतपदं व्रजेत्।
अर्धे समे च पादोने कनिष्ठोत्तममध्यमाः॥