Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.30

v1.c64.30

आकारवर्णशब्दादिगुणोपेतं भुवः स्थलम् ।
सङ्गृह्य स्थपतिः प्राज्ञो दत्त्वा देवबलिं पुनः ॥
स्वस्तिवाचकघोषेण जयशब्दादिमङ्गलैः ।
अपक्रामन्तु भूतानि देवताश्च सराक्षसाः ॥
वासान्तरं व्रजन्वस्मात् कुर्यां भूमिपरिग्रहम् ।
इति मन्त्रं समुच्चार्य विहिते भूपरिग्रहे ॥
कृष्ट्वा गोमयस्रिश्राणि सर्वबीजानि वापयेत् ।
दृष्ट्वा तानि विरूढानि फलपल्लवगतानि च ॥
सवृषाश्च सवत्साश्च ततो गास्तत्र वासयेत् ।
यतो गोभिः परिक्रान्तमुपघ्राणैश्च पूजितम् ॥
संघृष्टवृषणोद्देश्व निर्धौतकल्लषीकृतम् ।
वत्सवक्त्रच्युतैः फेनैः संस्कृतं प्रस्नवैपि ॥
स्नातं गोमूत्रसेकैश्च गोपुरीषैः सलेपनम् ।
च्युतरोमन्थनोद्गारैर्गोष्वदैः कृतकौतुकम् ॥
गोगन्धेन समाविष्टं पुण्यतोयैः शुभं पुनः ।
तथा पुण्यतिथोपेत नक्षत्रविषये शुभे ॥
करणे च सुलग्ने च मुहूर्ते च बुधैप्सिते ।
अक्षतैः श्वेतपुष्पैश्च बलिकर्म विधीयते ॥
ब्राह्मणैश्च यथाशक्त्या वाचयेत् स्वस्तिवाचनम् ।
वस्तुमध्ये ततस्तस्मिन् खानयेद् वसुधात लम् ॥
अरत्निमात्रगम्भीरं चतुरश्रसमन्वितम् ।
दिग्भागस्थमसम्भ्रान्तमसंक्षिप्तसमुच्छ्रयम् ॥
अर्चयित्वा यथान्यायं तं कूपमभिवन्द्य च ।
चन्दनाक्षतमिश्रेण सर्वरत्नोदेकेन च ॥
पयसा तु ततः प्राज्ञो निशादौ परिपूरयेत् ।
तस्य कूपस्य चाभ्याशे शुचिर्भूत्वा समाहितः ॥
भूमौ दूर्भांवकीर्णायां संविशेत् प्राक्शिरा बुधः ।