Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.37

v1.c64.37

खेटस्य वास्तुभूमिस्तु प्रायः काननमध्यगा ।
शबरैश्च पुलिन्दैश्च संयुता मांसजीविभिः ॥
पर्णगेहान्विता विण्वगथ वेष्टिकगेहभाक् ।
एकादिदशवीथ्यन्ताः क्षुद्रवीथ्यस्समन्ततः ॥
वास्तुभूमिः खर्वटस्य नदीतीरगता मता ।
रसालसालवकुलैस्तिन्त्रिणीवेणुपाटलैः ॥
कदम्बैर्नारिकेलैश्च श्रीपर्णैस्तिलकैैरपि ।
छायावृक्षसमाकीर्णा निष्कुटारामसंवृता ॥
दशादिविंशद्वीथीभिरावृता च समन्ततः ।
शतगेहा मुख्यवीथी तन्मध्ये कालिकागृहम् ॥
वागुराजीविभिश्चान्यैर्भृतकैश्च कृषीवलैः ।
मदिरागेहसंयुक्ता विपण्यादिभिरावृता ॥
वनमध्यङ्गता वापि गिरिसानुसमीपभाक् ।
आरामभूममध्यगता पल्लीभूमिस्तु सौख्यदा ।
मधूकैस्तिन्त्रिणीमिश्र रसालैर्नारिकेलकैः ।
पनसैश्च शिरीषैश्च संवृता च समन्ततः ॥
सङ्कीर्णा बहुभिर्वर्णैर्मेषगोवाजिरक्षकैः ।
दशादिविंशद्भिर्भरिता च समन्ततः ॥
वापीकूपादिभरिता विपण्या क्षुद्रया युता ।