Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.12

v1.c65.12

श्रावणे धनवृद्धिः स्यान्नभस्ये न वसेद्गृहे।
कलहश्चाश्विने मासि भृत्या नश्यन्ति कार्तिके॥
मार्गशीर्षे धनप्राप्तिः सहस्ये कामसम्पदः।
माघे वह्निभयं चैव फाल्गुने श्रीरनुत्तमा॥
द्वितीया पञ्चमी मुख्यसप्तमी नवमी तथा।
एकादशी त्रयोद(श्यस्ति?)श्यौ तिथयः स्युः शुभावहाः॥
चन्द्रताराबलं भर्तुरनुकूलं च शस्यते।
इयं हि सूत्रपाताख्या क्रिया प्रासादकर्मणि॥
कार्या पुरनिवेशे च प्रारम्भे भवनस्य च।
शिलानिवेशने द्वारस्तम्भोच्छ्रायादिकेषु च॥
आद्रियेत सिते पक्षे शोभने लग्न एव हि।
रवौ कन्यातुलालिस्ये गृहं वरुणदिङ्मुखम्॥
न कुर्यात् तद्धि शून्यं स्यान्न च वृद्धिर्भवेत् प्रभोः।
न दक्षिणमुखं कुम्भमृगधन्वि स्थिते रवौ॥
कुर्वीत निष्फलं तत् स्यान्नृपदण्डवधादिकृत्।
न मीनवृषमेषस्थे कुर्वीत प्राङ्मुखं रवौ॥
तद् धनघ्नं कलिक्षुद्रराजचौरार्तिकृत् यतः।
रवौ मिथुनसिंहस्थे न कर्कस्थेऽप्युदङ्मुखम्॥
कुर्यात् तद्धि दरिद्रत्वं दद्याच्च रणदासताम्।