Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.14

v1.c65.14

सिद्धयै गृहारम्भमुशन्ति वृद्धा यथोदिते मासि वलक्षपक्षे ।
शशाङ्कवीर्य्य सुदिने निमित्ते शुभे रवौ सौम्यगते प्रवेशम् ॥
चैत्रे शोककरं गृहादिरचितं स्यान्माधवेऽर्थप्रदं ,
ज्येष्ठे मृत्युकरं शुचौ पशुहरं तद्वृद्धिदं श्रावणे ।
शून्यं भाद्रपदे त्विषे कलिकरं भृत्यक्षयं कार्तिके ,
धान्यं मार्गसहस्ययोर्द्दहनभीर्माघे श्रियं फाल्गुने ॥
आदित्ये हरिकर्कनक्रघटगे पूर्वापरास्यं गृहं ,
कर्त्तव्यं तुलमेषवृश्चिकवृषे याम्योत्तरास्यं तथा ।
द्वारं भिन्नतया करोति कुमतिर्द्रव्यप्रणाशस्तदा ,
कन्यामीनधनुर्गते मिथुनगे चास्मिन्न कार्य्यं गृहम् ॥
कन्यादित्रिषु पूर्वतो यमदिशि त्याज्यं च चापादितो
द्वारं पश्चिमतस्त्रिके जलचरात् सौम्ये रवौ युग्मतः ।
तस्माद् व्यस्तदिशामुखं तु भवनद्वारादिकं हानिकृत्
सिंहे चाथ वृषे च वृश्चिकघटं याते हितं सर्वतः ॥