Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.16

v1.c65.16

वर्णानां यानि दारूणि कीलकार्थ नियोजयेत् ।
इदानीं तानि वक्ष्यामि श्रेयः कीर्त्तिहिताय च ॥
खदिरोदुम्बराश्वत्थशालशाकधवार्जुनाः ।
अञ्जनः कद्दराशोकतिनिशारुणचन्दनाः ॥
शिरीषसर्जन्न्यग्रोधवेणवः कीलककर्मणि ।
पुन्नामानो द्रुमाः शस्ताः स्त्रीनामानो विगर्हिताः ॥
अश्वत्थः खदिरश्चैतौ विप्राणां वृद्धिकारको ।
रक्तचन्दनवेण्वत्थकीलौ क्षत्रस्य पूजितौ ॥
शाकरच खदिरश्चेति सामन्तानां हिताविमौ ।
कीलौ शालशिरीषोत्थौ वैश्यानां कीर्त्तितौ शुभौ ॥
शूद्रजातेस्तु तिनिशधवार्जुन्समुद्भवाः ।
वैश्यवेश्मसु सौभाग्यकार्य्ये च स्युरशोकजाः ॥
न्यग्रोधो वणिजां धाम्नि भूमिकर्म्मण्युदुम्बरः ।
महामा (त्र?त्रो) ष्ट्रवैद्यानां कीलाः सर्जार्जुना गृहे ॥
विप्राणां सर्व्ववर्णोत्थाः क्षत्रियाणां त्रिवर्णजाः ।
वर्णद्वयोक्ता वैश्यानां शूद्राणां स्वानुलोमतः ॥
प्रतिलोमा न कर्त्तव्याः कीलका भूतिमिच्छता ।
प्रमाणान्यथ कीलानां निगद्यन्ते पृथक् पृथक् ॥
द्वात्रिंशदङ्गुलाः कीला विप्राणां स्युः शुभावहाः ।